OBK vies oor aanstelling van wit man as Absa-hoof

Arrie Rautenbach is aangewys as die nuwe hoof van Absa, maar die OBK is nie beïndruk nie. (Foto: Absa)

Die Openbare Beleggingskorporasie (OBK) het sy “onbeskaamde teleurstelling” met die Absa-raad se aanstelling van ʼn wit man as uitvoerende hoof te kenne gegee en eis ʼn dringende vergadering met die bank daaroor.

Arrie Rautenbach is Dinsdag as die nuwe hoof van die bankreus aangewys. Hy was vantevore verbonde aan Absa se kleinhandel- en sakebankeenheid en is ʼn man met meer as 25 jaar ervaring in die bankwese. Hy was vantevore onder meer die groep se hoofrisikobeampte, besturende direkteur van die kaartafdeling, asook besturende direkteur van verspreiding.

Die OBK het in ʼn verklaring nie na Rautenbach se ondervinding in die bankwese verwys nie, maar die aanstelling as ʼn verbroude geleentheid vir transformasie bestempel.

Die korporasie sê die Absa-raad moes die geleentheid benut het om sy verbintenis tot die doelgerigte transformasie van die bankgroep in die openbaar te toon en om diversiteit, inklusiwiteit en ras- en geslagsgelykheid op die mees senior vlakke van die organisasie te bevorder.

“As ʼn noemenswaardige aandeelhouer het die OBK tevore sy teleurstelling aan die raad te kenne gegee oor die oënskynlike onbestendigheid op uitvoerende vlak ná die vertrek van sy voormalige uitvoerende hoof in April 2021 – ʼn lang verwagte senior swart aanstelling wat glo uiteenlopende professionele sienings en benaderings as dié van die raad gehad het.”

Daniel Mminele het die pos vantevore kortstondig beklee.

Die OBK sê hy het verwag dat die Absa-raad die vereiste fokus op transformasie sou plaas in die proses om ʼn nuwe hoof aan te stel. “Dit behoort ʼn sleutelsakerisiko vir die raad te wees, gegewe die aard en omvang van dienste wat Absa aan die Suid-Afrikaanse samelewing bied.”

Die OBK eis nou ʼn dringende vergadering met die Absa-raad sodat dié sy transformasiestrategie en -plan kan voorlê. “Transformasie behoort ʼn sleutelstrategie vir die bank te wees en moet op raadsvlak gedryf word,” sê die korporasie.

Daar moet volgens die OBK ook ʼn duidelike verbintenis en uitgestippelde teikens vir alle bestuursvlakke wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

79 Kommentare

jongste oudste gewildste
Bertus

Bla bla bla …..

Misky

Ai OBK, Absa wil graag die beste kandidaat vir die pos aanstel. Pink, pers, groen, geel…… die beste kandidaat sodat ‘n ordentlike diens aan betalende klante gelewer kan word.

Maritza

So dit gaan oor kleur en nie wie die beste kandidaat vir die pos is nie….

Samuel

Moet alle ‘goeie’ aanstellings altyd swart wees?

Jannie van Niekerk

Oor twintig miljard jaar van vandag af sal die swartes nogsteeds tjank as blankes in hoë poste aangestel word al is daardie spesifieke blanke ook die mees geskikste persoon vir die werk. Hulle sal tot en met die oordeelsdag die rol van die verontregte slagoffer speel.