Ondersoekeenheid dien finale Nkandla-verslag in

Pres. Jacob Zuma se Nkandla-woning

Pres. Jacob Zuma se Nkandla-woning

Die spesiale ondersoekeenheid (SOE) het sy finale verslag oor Nkandla aan president Jacob Zuma oorhandig.

Boy Ndala, woordvoerder van die SOE, sê die verslag is laat Woensdagmiddag by die presidensie ingehandig.

Zuma het verlede week sy antwoord rakende die opgraderings by sy Nkandla-woning by die speaker van die parlement ingedien.

Die gesamentlike staande komitee oor intelligensie, die Openbare Beskermer en die spesiale ondersoekeenheid het veiligheidsopgraderings by Zuma se huis in Nkandla, KwaZulu-Natal, ondersoek.

Thuli Madonsela, Openbare Beskermer, het haar verslag in Maart vanjaar vrygestel. Sy het onder meer bevind dat Zuma en sy familie onbehoorlik gebaat het by die opgraderings. Zuma wou nie op haar verslag reageer nie en het gesê hy wag vir die SOE se verslag.

Die Nasionale Vergadering het Dinsdag besluit om ’n nuwe parlementêre ad hoc-komitee op die been te bring om Zuma se antwoord te oorweeg.

Lees ook:
Nkandla-verslag: Zuma vol vertroue in parlement
Zuma probeer aanspreeklikheid vermy, sê DA
Zuma antwoord op Nkandla-verslae

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.