Onnie vas vir statutêre verkragting

(Foto: SA Polisie)

Die Volkskool Orania gee sy volle samewerking aan die polisie ná ʼn leerlingonderwyser van dié skool van statutêre verkragting aangekla is.

Carel Boshoff, die skool se direksievoorsitter, het gesê die skoolhoof, Anja Boshoff, is op 16 September ingelig dat ʼn onderwyser aan die skool moontlik seks met ʼn minderjarige leerder gehad het, nadat lede van die polisie se kinderbeskermingseenheid die skool as deel van hul ondersoek besoek het. Die betrokke onderwyser was in dié stadium nie in die dorp nie, maar in Johannesburg waar hy besig was om ʼn praktiese gedeelte van sy studies te voltooi. Die skool se bestuurskomitee en uitvoerende komitee het die kwessie bespreek en die onderwyser is met sy terugkeer na die dorp, op 21 September, skriftelik in kennis gestel dat hy nie die skoolterrein mag betree nie en ook geen kontak met leerders mag hê nie.

Hy is die daaropvolgende Maandag in hegtenis geneem op aanklag van statutêre verkragting en het die volgende dag in die distrikshof op Hopetown verskyn.

“Hoewel die polisielede om omsigtigheidsredes en vanweë die verreikende gevolge wat dit mag inhou so min as moontlik inligting bekendgemaak het, het dit geblyk dat die polisie (?) ook ander persele besoek het.Die ondersoek hou nie met enige van die skool se werking of bedrywighede, óf met aktiwiteite tydens skoolure of georganiseerde skoolbedrywighede na-ure nie,” het Boshoff in ʼn verklaring gesê.

Boshoff sê die skool het ook aan die onderwyser gekommunikeer dat mens regtens nie aan ’n misdryf skuldig is alvorens jy nie skuldig bevind is nie, maar dat die skool enige verbandhoudende risiko moet vermy. “Hy sou dus nie sy voordele verbeur tot tyd en wyl daar besonderhede aan die lig kom wat die saak in een of ander rigting stuur nie.”

Borgtog van R5 000 is toegestaan en die saak teen die onderwyser is uitgestel. Hy het nog nie op die aanklag teen hom gepleit nie en om dié rede word sy naam weerhou.

“Ons wil beklemtoon dat Orania se gemeenskapsinstellings en Volkskool in besonder uit eie beweging en so vinnig en ondubbelsinnig as moontlik op die saak gereageer het en alle moontlike bystand aan die ondersoek verleen,” het Boshoff gesê.

Maroela Media het ʼn navraag aan die polisie oor die ondersoek gerig en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Arno Scheepers

Daar mag geen ander straf as lewenslank wees nie.

@PJ

Jy is reg, en dit is ‘n goor klad op ons volk. Presies wat sekere andere wil hoor.

Liefde

PJ, in die nuwe suid afrika steek hulle mekaar sommer dood in die klas , soms met n sker!

Frik

Dinge daar lyk net te rustig.

Maljan

Laat hy/sy wie sondeloos is, die eerste klip optel.