Onsekerheid of Namaquafees voortgaan

Steve Hofmeyr. Foto: Facebook

Steve Hofmeyr. Foto: Facebook

Die Matzikama-munisipaliteit kon nie Vrydag bevestig of die Huisgenoot Namaquafees inderdaad gekanselleer is na beweerde onmin oor Steve Hofmeyr se beplande optrede by die fees nie.

Die fees is veronderstel om einde Oktober in Vredendal plaas te vind.

Elizna Mouton, skakelbeampte van die munisipaliteit, het aan Maroela Media gesê ʼn vergadering met die munisipale bestuurder word later Vrydagmiddag gehou.

“Die raad van Matzikama ondersteun die Huisgenoot Namaquafees tot dusver soos elke jaar,” het Mouton gesê. “Dit is nie die raad wat die fees aanbied nie. Die verwarring en onwaarhede is versprei deur oningeligte persone en het gelei tot baie botsende emosies wat sake net vererger.”

Die munisipaliteit sal na verwagting later ʼn mediaverklaring oor die aangeleentheid uitreik.

Maroela Media het verneem dat kunstenaars wat deur Events24 vir die fees gereël is, ʼn e-pos ontvang het waarin die ooreenkomste vir hul optrede by die fees gekanselleer is.

“Die bewoording soos gebesig deur Matzikama in hul korrespondensie van beswaar aan Events24, is helaas onvanpas en nie in die gees van hul ooreenkoms met Events24 nie,” lui die e-pos.

Events24 sê verder dat hy hom nie met Matzikama se gesindheid in die verband kan vereenselwig nie en dus met onmiddellike effek van die projek onttrek en die fees kanselleer.

“Ons is jammer oor die toedrag van sake maar ons (Events24) kan ongelukkig nie onder sulke omstandighede verder betrokke bly nie,” aldus die e-pos.

Hofmeyr het intussen op Twitter gesê: “Ek het gewaarsku. As jy my gaan voorskryf (sensureer) oor wat ek moet sê of sing, kry ‘n meer plooibare sanger.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
pieter

Ons gaan ook vir die fees maar nou is dit klaar nooit weer nie. Hulle sal nooit ophou met nonsens nie en Steve is n groot aantrekings krag. Hul moet maar afskryf en toemaak.

Tian

Kan almal nou net asb saam staan en wegbly van die fees af, al gaan dit voort…

veronica

Weereens sê ek: daar is twee stelle reëls. Een vir Wittes en een Forhelle! Kyk bietjie die advertensies vir AfroCafe op TV: nie een wit gesiggie nie, maar kyk jy Noot vir Noot sal jy altyd erens ‘n gekleurde gesiggie of twee sien! Ai tog! Ek is al so moeg vir hierdie twee-gat-jakkals- politiek!

Anton Visser

Ek stem saam as hulle wil se wat Steve mag sing en se moet hulle maar toemaak! Vredendallers sal moet opstaan en se wat hulle wil he! Duidelik het hulle dorp nie die finansiele inspuiting nodig wat die besoekers sou bring nie! Sensuur toepas op Steve gaan nie werk nie!

Marlene Oosthuizen

Sê hulle Steve. Wie is hulle om vir jou te kom voorskryf wat om te sing en wat nie. Plaas hulle eerder meer aandag gee aan dienslewering en hulle neuse uithou uit die fees. Dis waarvoor hulle betaal word. Ek glo nie eers een van die wat nou so baie te sê het besoek ooit die fees nie.