‘Oorweeg ivermektien dringend’ – organisasies

(Foto: Luis Robayo/AFP)

Die burgerregteorganisasie AfriForum en die doktersgroep I can make a difference het Woensdag ’n dringende brief aan verskeie gesondheidsowerhede gestuur waarin dringend versoek word dat ivermektien vir die behandeling van Covid-19 aanbeveel word.

Dít te midde van bewyse wat daarop dui dat die derde virusgolf in Suid-Afrika begin het, sê die organisasies.

Die brief is vandag aan die ministeriële raadgewende komitee oor Covid-19, die departement van gesondheid, die Suid-Afrikaanse Reguleringsowerheid vir Gesondheidsprodukte (Sahpra) en die parlementêre portefeuljekomitee vir gesondheid gerig.

Dís hoekom

Die twee organisasies sê hulle is genoop om die aksie te neem nadat Indië, die tweede mees digbevolkte land in die wêreld, ivermektien as behandeling vir Covid-19 goedgekeur het en ’n afname in Covid-19-verwante sterftes beleef.

Hulle wys ook in ’n gesamentlike verklaring daarop dat Zimbabwe ivermektien as behandeling vir Covid-19 goedgekeur het en sukses in die bestryding van die pandemie ervaar.

Luidens die verklaring word daar ook in ’n artikel in The American Journal of Therapeutics aanbeveel dat ivermektien “wêreldwyd en stelselmatig” ontplooi moet word om Covid-19 te voorkom en te behandel.

Die organisasies sê voorts verskeie epidemiologiese analises van gebiede waar ivermektien versprei is, toon ’n duidelike afname in die Covid-19-sterftesyfer.

Die sogenaamde wondermiddel verlaag ook virale replisering en verminder dus virale mutasie wat op sy beurt die kans verlaag dat mutasie buite beheer kan raak – ’n verskynsel wat ’n negatiewe uitwerking op die implementering van entstowwe sal hê.

“Ongewone omstandighede vereis ongewone optrede,” sê dr. Naseeba Kathrada, stigter van I can make a difference, rakende die dringende aanbeveling van ivermektien.

“Die wêreldwye pandemie is al meer as ’n jaar aan die gang en ons werk steeds aan die ontwikkeling van doeltreffende behandelings teen Covid-19. Wat ons wel weet, is dat dit jare gaan neem om genoeg van die bevolking te immuniseer sodat hulle doeltreffende en veilige immuniteit kan hê.

“As ’n mens dit in ag neem, is dit onverantwoordelik om toe te kyk hoe mense doodgaan weens Covid-19 terwyl jy weet daar is ’n veilige geneesmiddel wat tot hul behandeling toegevoeg kan word,” sê Kathrada.

Volgens Barend Uys, hoof van navorsing van AfriForum, toon die bewyse duidelik dat ivermektien ’n kritieke rol kan speel in die stryd teen Covid-19.

“Die tyd het aangebreek dat voorkombare sterftes gekeer word en ’n stokkie gesteek word voor die vernietiging van lewens en inkomste wat met inperkings gepaard gaan. Dit is tyd om ivermektien aan te beveel vir die behandeling van Covid-19,” sê Uys.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Anel

En die goed is al hie lank in geebruik en jare terug as veilig verklaar. So, doen weg met inenting en behandel met ivermektien. Ek ondersteun dit 100%

Samuel

Dit is verstommend dat SA gesondheidsowerhede nie invermektien gebruik nie. Daar is wêreldwyd bewyse dat hierdie medisyne werk. Ek sal eerder invermektien gebruik as die inentings.

Ilze

Absoluut!!!!! Ek gebruik reeds voorkomend!!!!

Charles

Beste opsie sover, die wat graag die entstof soek gaan nog laaaaank wag. Dis goedkoop, effektief en beskikbaar.

Ilze

Ek weet ook al van n paar SIEK mense wat heeltemal en vinnig gesond geword het op n groter dosis ivermektien.groter dosis as voorkomende dosis natuurlik.