Skade aan Nelmapiusweg (Foto; City of Tshwane/Twitter)
Stad Tshwane se nooddienste het sy rampbestuursentrum Saterdag ontplooi om te reageer op verskeie voorvalle van oorstromings in die gebied. Swaar reën het sedert Vrydag oor die gebied uitgesak.
Reddingsoperasies word uitgevoer deur tegnici en duikers van Stad Tshwane, Gauteng-nooddienste, die Suid-Afrikaanse Polisiediens en vrywilliger-reddingsorganisasies. Insleepdienste het 27 persone uit voertuie gered toe hulle op oorstroomde paaie en laagwaterbrûe gestrand geraak het, sê Thabo Charles Mabaso, woordvoerder van die munisipaliteit.
“Twee sterftes is tot dusver aangemeld wat met die vloede verband hou. Die SAPD het Sondagmiddag op ʼn man se liggaam agter in ʼn bakkie afgekom. Die voertuig het Saterdagaand in Centurion weggespoel. Nooddienste het ook berig hulle het op die liggaam van ʼn man afgekom wat in sy huis by die Soul City- informele nedersetting in Mamelodi verdrink het.”
Oorstromings by Centurion (Foto; City of Tshwane/Twitter)
Die soektog na drie slagoffers, ʼn bestuurder van ʼn Uber-taxi en twee passasiers, wat vermoedelik deur die Olifantspruit in Midstream weggespoel het, duur ook voort in Irene.
Die soektog na ʼn man wat Saterdag saam met ʼn vriend in ʼn boot was toe hulle oor die damwal by Roodepoortdam gespoel is, het Maandag hervat.
Tydelike skuilings is in Mamelodi (Nellmapius en Mamelodi-Wes-sale), Hammanskraal (Sebothoma-saal) en Pretoria-Wes (Transoranje) opgerig.
Sowat 1 011 persone wat in skuilings geraak is en gemeenskappe wat swaar getref is deur die oorstromings maar nie tydelike skuilings benodig het nie, het ondersteuning ontvang soos komberse, matrasse, warm etes en kospakkies.
Opruimingswerk het Sondag in Centurion begin waar die stad se munisipale spanne begin het om paaie en die Centurionmeer skoon te maak. Meeste van die paaie wat geraak is, is reeds oop vir verkeer.
-
- Tshwane-nooddienste (Foto; City of Tshwane/Twitter)
-
- Tshwane-nooddienste (Foto; City of Tshwane/Twitter)
“Die omvang van die skade word nog bepaal. Opruimingswerk duur ook voort in Mamelodi. Geen paaie is in dié gebied gesluit nie.”
Mabaso sê ʼn beroep word op inwoners gedoen om paraat te bly en nie laagwaterbrûe oor te steek wanneer daar oorstromings is nie.
Stad Tshwane het Saterdag onder andere die volgende plasings gedeel van skade in die stad:
Our teams in the Centurion area last night to the early hours of this morning#Tshwanefloods pic.twitter.com/bV0G1MwbqW
— City of Tshwane (@CityTshwane) February 5, 2022
#Update For disasters and emergencies, please contact us on 107 toll-free on all cellular networks and landline phones. The City’s Disaster Management Centre has been activated to coordinate rescue, evacuation, transportation, accommodation and relief efforts. pic.twitter.com/7JBjpeH3qJ
— City of Tshwane (@CityTshwane) February 5, 2022
#Update Please take note there is significant flooding in various parts of the City after the heavy rain.
The City’s Disaster Management Centre has been activated to coordinate rescue, evacuation, transportation, accommodation and relief efforts. #Flooding pic.twitter.com/YkH4BguQX6
— City of Tshwane (@CityTshwane) February 5, 2022
Die laagwater bruggies in Centrurion het baie baie jare al ‘n probleem hoekom nie bietjie moeite doen en dit verhoog nie, asook die Hotel in Centurion, die was in 2019 ook so onder water dat mense gered moet word.
Daar is oral nood hekke by die laag water brue in Centurion. Hoekom was hierdie hekke nie vroer toe gemaak om te verhoed dat mense daar deur ry nie?