Ouers van peuter wat in hospitaal sterf gesoek

hospitaal

Argieffoto: Erkan Utu/Pexels.com

Die polisie is tans op soek na enige inligting oor die ouers van ’n peuter wat vandeesweek in ’n hospitaal in Port Elizabeth dood is.

Kapt. Sandra Janse van Rensburg, woordvoerder van die polisie, het gesê ’n onbekende man het gister teen 15:40 ’n tweejarige seuntjie by die Livingstone-hospitaal in die Baai aangebring.

Die man het aangevoer dat die kind van ’n bed geval het en dringende mediese behandeling benodig.

Dit is nie in dié stadium duidelik met watter beserings die seuntjie na die hospitaal geneem is nie, maar hy het egter kort daarna aan sy beserings beswyk terwyl dokters besig was om hom te behandel.

Toe mediese personeel die man in kennis wou stel van die kind se dood, het die man egter laat spaander.

Volgens Janse van Rensburg is die man sedertdien soek. Daar is ook geen inligting rondom die man óf die seuntjie bekend nie.

ʼn Geregtelike doodsondersoek word nou gedoen hangende die bevindinge van ʼn nadoodse ondersoek.

Die polisie doen ’n beroep op enigiemand wat moontlik die kind se ouers ken om ao. Neil Hendricks by die Gelvandale-polisie by 082 442 1816 of Stop Misdaad by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Johanna

Hoe ongelooflik tragies. die arme kind was seker mishandel. Rus in Vrede klein ding. jy is nou veilig in Jesus se arms.

Tanya

Waarom vra ek dit is nog n klein seuntjie. Kom na voor on te se wie die ouers is. Hy nou veilig in God se Hande.

ne

Hoe kan die hospitaal die kind opneem, en geen besonderhede verkry nie?

toy

Seker ‘n Staatshospitaal. Hulle mediese personeel het seker die kind gevat om dadelik aandag aan hom te gee en gevra die man ‘n leer solank gaan oopmaak, en dus toe hy laat spaander. Hy is dalk die pa wat iets aan die seuntjie gedoen het.

Kobie Welgemoed

Maklik kan inligting gemis word. Die hospitaal het eties korrek opgetree. Die kind was definitief kritiek en is dadelik gehelp ipv inligting versamel. Dit was toe dat die man wat die storie geken het, homself vinnig uit die voete gemaak het. Dit gebeur gereeld orals.