Panga teen baba se keel gehou tydens rooftog

Anuschka en klein El-Zandri. Foto: Facebook

Anuschka en klein El-Zandri. Foto: Facebook

Rowers het Woensdagoggend by ʼn onderneming in Hennenman in die Vrystaat ʼn panga teen ʼn baba se keel gehou voordat hulle die baba teen ʼn kas gegooi het.

David Swanepoel het aan Maroela Media gesê sy kleindogter Anuschka Serfontein werk by ʼn onderneming wat bousand verkoop en dat haar man haar en hulle sewe maande oue dogtertjie El-Zandri Woensdagoggend omstreeks 07:30 daar afgelaai het voordat hy Johannesburg toe gery het.

“Hulle is oorval kort nadat Anuschka die winkel oopgesluit het. Twee mans met swart sykouse oor hulle koppe en arms getrek het die winkel binnegekom.” Een van die mans het El-Zandri gegryp en ʼn panga teen haar keel gehou.

Die rowers het geld geëis en Anuschka het vir hulle die sowat R8 000 wat in die kluis was, gegee. “Sy sê toe vir hulle ‘gee asseblief net my kind’. Toe gooi hulle die kind teen ʼn kas.” Volgens Swanepoel het Anuschka haar baba gegryp en uit die winkel na die straat gehardloop.

“Daar het ʼn houer met melk buite die winkel gestaan en hulle het haar teen die rug daarmee gegooi. Sy het aanhou hardloop en nie gesien waarheen hulle gaan nie.” Volgens Swanepoel het Anuschka met klein El-Zandri in die straat opgehardloop en kon sy ʼn man voorkeer wat hulle gehelp het.

Swanepoel het gesê sy kleindogter en agterkleinkind was by ʼn dokter gewees vir behandeling. Anuschka was erg getraumatiseerd en die dokter het vir haar skok behandel. El-Zandri het ʼn knop op haar kop en haar toestand word dopgehou.

Swanepoel het gesê hulle is baie verheug dat Anuschka en El-Zandri nie ernstig beseer is nie. Anuschka is een van Swanepoel se 15 kleinkinders. Hy het ook drie agterkleinkinders.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Wern

Hoe kan ons n land deel met sulke wrede, onmenslike wesens?

JC

Ons moet beslis net meer paraat word…en SAAMSTAAN teen DIE VERDRUKKING…ander antwoorde het ek nie. BEWAPEN JULSELF. DIT IS NOU N REALITEIT EN KAN DAAR EENVOUDIG NET NIE MEER MET RADELOOSHEID EN NAIWITEIT NA DIE SITUASIE GEKYK WORD NIE. Onthou, hier het ons te make met onopgevoede kriminele wat niks voel vir beskaafde waardes en lewens nie. N KOPSKUIF IS dringend NODIG!

Janneman

Stem saam Wern, hier is n groot skroef los met ons menswees in hierdie land. Dank die vader hulle is grootliks ongedeerd.
Tensy die gepeupel se koppe draai in die Augustus verkiesing gaan ek my opsies ernstig oorweeg. As hulle na 22 jaar steeds die glo dat die anc melk en heuning gaan lewer stuur ons op nog n zim af.

Pastoor

Die kopskuif : Ons worstelstryd is nie teen vlees en bloed nie : Trek elke dag die volle wapen rusting aan. Pleit Sy Bloed af oor jou hele familie. Vra Hom dat Sy Engele ons oppas. Loop oop oê. Ons doen die moontlike en God doen die onmoontlike. Bid dat daardie skelms die Here ontmoet en Hy hulle lewens verander, Dat die slagoffers gou sal herstel van die gewelige skok

Wat-ek-lees

Onthou julle Bloukrans? Babas aan voete geswaai en koppe teen wawiele vermorsel.