Parys-boere: Negende verdagte aangekla

Van links is Boeta van der Westhuizen, Anton Loggenberg, kapt. Henk Prinsloo, Wian van der Westhuizen en Fanie Oosthuizen tydens 'n vorige verskyning in die Parys-landdroshof. Foto: Nico Strydom

Van links is Boeta van der Westhuizen, Anton Loggenberg, kapt. Henk Prinsloo, Wian van der Westhuizen en Fanie Oosthuizen tydens ‘n vorige verskyning in die Parys-landdroshof. Foto: Nico Strydom

Die negende verdagte en ʼn tweede familielid van een van die beskuldigdes in die saak teen die boere van Parys wat aangekla word van die moord op twee vermeende plaasaanvallers, het Vrydag in die plaaslike landdroshof verskyn.

Phaladi Shuping, Vrystaatse woordvoerder van die nasionale vervolgingsgesag (NVG), het aan Maroela Media gesê Wicus van der Westhuizen (19) is Vrydag op borgtog van R10 000 vrygelaat. Die staat het nie sy borgtogaansoek teengestaan nie. Van der Westhuizen sal weer op 27 Mei saam met sy medebeskuldigdes in die hof verskyn.

Kapt. Henk Prinsloo, Boeta van der Westhuizen, Anton Loggenberg, Wian van der Westhuizen, Muller van der Westhuizen en Fanie Oosthuizen staan almal saam met Wicus tereg vir die moord op Samuel Tjixa en Simon Jubeba. Boeta, Muller en Wicus is glo almal verwant.

Die staat het verlede week die klagte teen Johan Cilliers sr. en sy seun, Johan Cilliers jr., laat vaar nadat daar nie genoeg bewyse was om hul betrokkenheid te bevestig nie.

Die staat beweer Tjixa en Jubeba is dood nadat hulle op 6 Januarie deur boere in die gebied op ʼn plaas aangekeer en so erg aangerand is dat hulle later in die hospitaal aan hul beserings beswyk het. Al die beskuldigdes in die saak ontken skuld op die aanklagte teen hulle.

Tydens die beskuldigdes se vorige hofverskyning verlede week Vrydag het die staat aangedui dat sy ondersoek nog nie afgehandel is nie en dat hy steeds na een verdagte op soek is. Shuping het aan Maroela Media gesê dat Wicus homself glo Donderdag vergesel van sy regsverteenwoordiger by die polisiestasie oorgegee het.

Daar word verwag dat die saak tydens die beskuldigdes se volgende verskyning na ʼn hoër hof oorgeplaas sal word vir die verhoor.

Lees alle vorige berigte oor Parys-boere op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Cherokee

Dit mag dalk heel van die onderwerp af wees maar alhoewel die boere my ondersteuning het wonder ek dikwels wanneer ek van hulle lees hoeveel van hulle tydens die referendum ja gestem het vir die aaklige bedeling waarin ons nou is.

Veritas

Dom, dom, dom.

Pieter

Dis net tragies dat alle plaas aanvalle so deeglik ondersoek word jy hoor van die aanval maar nooit van die hof verksynings nie ???

Oom Kalahari

Dit is ‘n blote politieke “Hekse jag” saak. Weereens word die kriminele beskerm en die slagoffers word die teiken. Ons bid vir jul en geregtigheid.

Flippie

Hoekom kry ek geen nuus oor Leon du Plessis en sy saak in Maroela Media nie..

Hierdie saak en du Plessis se saak (en ook my saak) getuig van die regering se hondsdolle manie om wit mans in hegtenis te neem.

Dis jammer dat daar nie genoegsaam ruimte is om my saak hier te kan stel nie. Dit is nou afgehandel en die uitkoms is om van te huil.

Voorspoed aan die aangeklaagdes daar lê he’ll vir hulle voor want die stelsel en sisteem wat hulle gaan verhoor het min tyd vir witmense.