Ntau Lucas Mokoena (Foto: Facebook)
’n Pastoor het Maandag in die landdroshof in Bloemfontein in die Vrystaat verskyn in verband met die moord op die plaaslike sakeman, Ntau Lucas Mokoena.
Volgens lt.kol. Thabo Covane, woordvoerder van die polisie, is die pastoor (31) Vrydag deur die Parkweg-polisie in die stad in hegtenis geneem. Hy is die tweede verdagte wat in verband met die moord op Mokoena (51) verlede maand in hegtenis geneem is.
Maroela Media het vroeër berig ʼn familielid is kort na die moord in hegtenis geneem op aanklag van sameswering tot moord. Die familielid is sedertdien geïdentifiseer as die oorledene se vrou, Kelebogile Louisa Mokoena (51).
Mokoena is in Julie vanjaar in sy huis in Schenagelsingel in Fichardtpark doodgeskiet. Sy vrou was die betrokke aand in die hoofslaapkamer en hy in die badkamer toe hy deur twee gewapende mans oorval is. Hy is na die slaapkamer gesleep waar hy voor sy vrou in die kop geskiet is.
Sy word daarvan verdink dat sy twee mans gehuur het om haar eggenoot te vermoor.
Covane wou nie in die stadium meer inligting bekend maak rakende die pastoor se verbintenis aan die moord nie aangesien die ondersoek in ʼn sensitiewe stadium is.
Covane het wel gesê die verdagte se aansoek om borgtog is gister in die hof uitgestel. Hy sal weer op 8 Augustus in die hof verskyn.
Moet nou nie van kerk af wegbly omdat pastore en dominee sonde doen nie ons gaan nie kerk toe vir mense nie maar vir God
Die pastoor se berading en bedrading het deur mekaar geraak.
SjN: Nou`t ek lekker gelag.
Nie gebreinspoel nie
Dit is nie alle kerke nie jy veralgemeen nou. Die kerk is vir sondaars of huigelaars of wie ookal.
Ai die pakstoor wa het jy jou ingelaat.
Elke tweede ou roep hulself deesdae mos ‘n Pas-Toor as hy ‘n dosyn volgelinge het, en’ n “Quick Buck” wil maak!
So waar Gert. Crash course van 6 maande en jys ‘n pastoor
Baie waar Gert. Crash course van 6 maande en jys ‘n pastoor
Hmmm … oftewel pasgetoor …
Pastoor word verdink/betrokke by nog ‘n huurmoord op n ander dorp