Penny Sparrow gaan pleitooreenkoms met staat aan

Penny Sparrow. Foto: Facebook

Penny Sparrow. Foto: Facebook

Penny Sparrow, die KwaZulu-Natalse eiendomsagent wat van crimen injuria aangekla is toe sy swart mense met ape vergelyk het in ʼn Facebook-inskrywing, het ʼn pleitooreenkoms met die staat aangegaan.

Natasha Kara, woordvoerder van die Nasionale Vervolgingsgesag (NVG), het gesê Sparrow het Maandag in die Scottburgh-landdroshof skuld op die aanklag teen haar erken. Volgens die pleitooreenkoms is Sparrow tot ʼn boete van R5 000 of 12 maande tronkstraf gevonnis.

“Sy is ook tot nog twee jaar tronkstraf gevonnis, wat vir vyf jaar opgeskort is op voorwaarde dat sy haar in hierdie tyd nie weer aan crimen injuria skuldig maak nie. Sy moes ook ʼn openbare verskoning in die hof lewer en moet ook op Facebook om verskoning vra,” het Kara gesê.

Die gelykheidshof het in Junie vanjaar beslis Sparrow moet R150 000 aan die Oliver and Adelaide Tambo Trust betaal as boete vir haar Facebook-plasing. Sparrow moes ook die regsonkoste van die ANC, wat die saak voor die gelykheidshof gebring het, betaal.

Adv. Moipone Noko, die KwaZulu-Natalse direkteur van openbare vervolging, het haar tevredenheid met Sparrow se skuldigbevinding en vonnis uitgespreek en gesê dit is gepas onder die omstandighede.

“Mev. Sparrow het berou getoon en ek glo sy is werklik so spyt soos sy sê sy is. Uitsprake soos die [van Sparrow] het vandag geen plek in ons demokrasie nie. Ek vertrou eensgesinde oortreders sal hiervan kennis neem en onthou sulke uitsprake sal nie geduld word nie,” het Noko gesê.

Lees alle vorige berigte oor Penny Sparrow op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Heksejag

Swart teen wit rassisme in aksie. Skaamteloos en openlik. Die swartmense wat mense met groot wapens wil uitroei kom NIKS oor nie maar sy moet deur al die dinge gaan? Jammer, Maar hierdie is ernstige swart teen wit haat.

Jakes

Die SR student wat witmense wil skiet? Wie toi toi en betoog? Of dit nie rassisme?? Haatspraak??

Jan maak n Plan

Hierdie is nou tipies volstruis politiek. As n wit mens rassities is dan is die hel los maar as die swart mense iets rassistes kwyt raak dan is dit reg. Ek dink hier kom kort voor lank vreeslikke groot probleme hieroor.

Lance

Wat van die SR student …wat ek ook wil weet ?

Hannes

Ek is bereid om R1000.00 in n fonds vir Penny te plaas. Solidariteit of soortgelyke kan n bankrekening oopmaak waar dit inbetaal kan word. Arme ou vrou – so verneder – op Tv.
Wie gaan dit saam met my doen?
Ek kyk uit vir bank besonderhede.