Pensioenaris van Heidelberg word vermis

Johanna Francina Willemse (66) van Heidelberg in Gauteng

Johanna Francina Willemse (66) van Heidelberg in Gauteng

Johanna Francina Willemse (66) van Heidelberg in Gauteng word sedert Saterdag vermis.

“Sy is die oggend om 11:00 weg met haar goudkleurige Toyota Tazz met die registrasienommer TBN 189 GP,” het kapt. Thivhulawi Tshilate, woordvoerder van die polisie, gesê. “Sy het nooit teruggekeer huis toe nie.”

Volgens Tshilate is Willemse die oggend weg sonder om vir enigiemand te sê waarheen sy gaan. “Sy het in April 2014 ʼn beroerte gehad en toon sedertdien tekens van ʼn persoonlikheidsverandering,” het hy bygevoeg.

Willemse is 1.6 m lank, weeg 68 kg, het kort, grys hare, is gemiddeld gebou, het ʼn ronde kop en voorkop met ʼn skerp neus en ken, blou oë en sy het ʼn bril met ʼn goue raam. Dit is nie duidelik watter klere sy aangehad het nie. Sy gebruik chroniese medikasie vir hoë bloeddruk.

“Enigiemand met meer inligting oor waar sy haarself bevind of wat haar voertuig gesien het, word versoek om konst. Emmanuel Shambana te kontak by 016 341 5175 of 083 675 8546. Of skakel haar dogter, Ina Willemse, by 082 773 4027.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

pop ·

Huh, ronde kop??????As daar nie foto by berig was nie, sou ek presies geweet het hoe sy lyk. Dalk iets soos ET.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.