ʼn 69-jarige vrou is glo tydens ʼn sake-afspraak gedreig voor daar petrol oor haar uitgegooi is.
Die polisie is intussen op soek na George William Cameron (47) in verband met die voorval wat op 5 Mei by die Knysna Waterfront plaasgevind het.
Volgens sers. Chris Spies, polisiewoordvoerder, het ʼn man in die slagoffer se motor geklim met haar aankoms by die Waterfront. Hy het haar glo gedreig voor hy petrol oor haar uitgegooi en haar probeer beroof het.
Die vrou kon daarin slaag om te vlug en hulp te soek. Die verdagte het te voet gevlug. Die saak is by die polisie aangemeld, maar ʼn soektog na die verdagte het nog niks opgelewer nie.
Die landdroshof in Knysna het Maandag ʼn lasbrief vir Cameron se inhegtenisneming uitgereik.
Enigiemand met inligting oor waar Cameron hom bevind, word versoek om die ondersoekbeampte, kapt. Claudette van Zyl, by 044 302 6652 of Stop Misdaad by 08600 10111 te bel.
Dis nou hoe gemors lyk.
Stuk gemors. Hoop hulle vang hom gou. Hoekom is ons samelewing so vieslik en wreed krimineel?
What is wrong with people?
Who in his right mind do things like this?
Poging tot moord.
Dit is siek!
Sake Afspraak…..of Ex
Hierdie lafaard het geen nut vir die samelewing nie. Daar loop baie van hulle tussen ons rond.
Vang die gemors en sluit hom lewenslank toe.
Ek wil nie hierdie karakter in my t kring van kennisse hê nie. Baie gevaarlike indiwidu