Pitbulls val man op strand aan

Foto: IPSS Medical Rescue.

ʼn 30-jarige man is Maandagoggend deur twee pitbullterriërs aangeval toe hy oudergewoonte op Tinley Manor-strand in KwaZulu-Natal gaan draf het.

Janus van Schalkwyk, ‘n paramedikus van IPSS Medical Rescue wat die man behandel het, het aan Maroela Media gesê die man draf glo elke oggend daar en die voorval het omstreeks 07:45 plaasgevind.

“Dit is onduidelik hoe die honde uitgekom het, maar die eienaar het eers ná drie of vier minute agtergekom sy honde is besig om die man aan te val. Hy het ook eers gesukkel om hulle van hom af te trek, maar kon toe daarin slaag,” het van Schalkwyk gesê.

Die man wat aangeval is het eers teen die honde probeer terugveg, maar is oorrompel.

Van Schalkwyk het bevestig dat hulle die honde se inentingskaarte gesien het en kan bevestig dat dit wel pitbulterriërs was. Die eienaar het IPSS Medical Rescue ontbied.

“Die man het baie erge weefselskade aan sy arms en bene en gesig opgedoen. Sy arms is heel oopgeruk. Hy het nogal baie bloed verloor tydens die aanval,” het van Schalkwyk gesê.

Die man is op die toneel gestabiliseer en na ʼn hospitaal vervoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

72 Kommentare

jongste oudste gewildste
m

Mens raak nou bekommerd oor al hierdie aanvalle deur honde. Wat gaan aan, kan mens nou nie eers mee in vrede in die straat of stand loop sonder om aangeval te word deur honde nie. Mens lees omtrent nou elke dag van sulke gevalle. Ek is baie lief vir honde maar hierdie is n saak van groot bekommernis.

Nikki

Dit is so hartseer en men’s begin al hoe meer lees oor die tiepe Honde wat mense aanval.Wens net daar kan n wet in kom met die honde.Ek is baie Lief vir diere maar die honde is ek baie bang voor.Sterkte vir die familie en mag die man vinnig gesond word.

Gerhard

Ek voorspel ons gaan nou weer allerade stories moet hoor oor hou liefdevol en skadeloos hierdie tipe honde is. Spaar ons dit asb en maak oop julle oë.

Moeder

Verstaan nie – deesdae val honde net oral aan. Hoe kom hul uit??? Ek is ook al bang om net smiddae om die blok te loop. Voel vir my jy moet net orals paraad wees – as dit nie vir kriminele is nie, is dit honde! Nerens kan jy net ontspan nie. Sterkte aan die beseerde!

Alida

Die eienaar moet sorg dat sy honde behoorlik agter behoorlike tralies is en nie ‘n gevaar vir die publiek inhou nie. Dit is afskuwelik en tragies wat gebeur het.