Polisie bied Malema BBP-beskerming ná doodsdreigemente

Julius Malema, leier van die EFF. Foto: enca.com

Die SAPD het bevestig Julius Malema, EFF-leier, kry BBP-beskerming nadat hy glo doodsdreigemente ontvang het.

Malema se motor is die afgelope week in die omgewing van die parlement in Kaapstad opgemerk waar hy deur ʼn wit BMW met blou ligte vergesel word, berig die Johannesburgse dagblad The Sowetan.

Brig. Vishnu Naidoo, nasionale polisiewoordvoerder, het Dinsdag by navraag aan Maroela Media bevestig dat die polisie Malema beskerm, maar kon nie nadere besonderhede bekendmaak nie.

Mbuyiseni Ndlozi, EFF-woordvoerder, het aan The Sowetan gesê die party het reeds meermale vertel van die dreigemente teen hul leier, wat ook ʼn parlementslid is. “Die polisie het hul onafhanklike assessering gemaak en tot dieselfde gevolgtrekking as ons gekom, naamlik dat hy in lewensgevaar verkeer.”

Die EFF is glo reeds in April vanjaar in kennis gestel van “bose planne” om hul leier tereg te stel en het dit nie ligtelik opgeneem nie. Die party het Behki Cele, polisieminister, in kennis gestel en by daarop aangedring dat opgetree word teen diegene wat Malema dreig.

Intussen het die party sy eie veiligheidsmaatreëls opgeskerp.

Die Rooi Barette beweer die geheime planne om hul leier om die lewe te bring het in die Noordwes-provinsie ontstaan waar ʼn groepie “polities onseker en mal individue” dwelmhandelaars en sluipmoordenaars in verskeie provinsies, maar veral in die Wes-Kaap, genader het om Malema voor aanstaande jaar se verkiesing uit te haal.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

75 Kommentare

jongste oudste gewildste
Aggie

Hoog tyd, hy krap die hele land om met sy optrede en praatjies en niks word gedoen om hom stil te maak nie. Groot bek maar nou is meneertjie bang

WH van der Merwe

Net weer n politieke speletjie dis al

Leonard

Ag lekker man lekker banggat

Wurmpie

En waar is die beskerming vir ons belastingbetalers teen die skelms wat ons elke dag bedreig. Ons plaasboere kort meer beskerming. Kom minister Cele

Lollie

Sal nie verbaas wees as dit net ń storie is nie. Nou voel hy net baie meer gerus in ń land van chaos.
As ek so baie dinge kwytraak en so baie nonsens aanjaag sou ek ook bang wees ek word ‘uitgehaal’.