Polisie-hoë bestuur glo dronk, bots teen drie voertuie

Argieffoto

Argieffoto

Lt. Thokozani Zungu (31), speurdertakbevelvoerder in Witrivier, Mpumalanga, het Maandag in die Nelspruit-landdroshof verskyn op aanklagte van roekelose en nalatige bestuur, die versuim om by ʼn ongelukstoneel te stop en dronkbestuur.

Brig. Selvy Mohlala, ʼn provinsiale polisiewoordvoerder, het gesê Zungu was glo Vrydagmiddag om 15:55 in twee afsonderlike ongelukke, waarin drie ander voertuie betrokke was.

Die ongelukke het op die R40-pad tussen Witrivier en Nelspruit plaasgevind. “Tydens die eerste ongeluk het hy vermoedelik teen ʼn Ford Bantam by ʼn verkeerslig by Rocky’s Drift vasgery,” het Mohlala gesê. “Hy het nie by die ongelukstoneel stilgehou nie, en by die afrit by die Riverside-winkelsentrum teen nog ʼn Ford Bantam én ʼn Toyota Fortuner gebots.”

Ander motoriste het Zungu se voertuig, wat is staatsvoertuig is, met hul eie voertuie versper, die sleutels afgeneem en die polisie ontbied. Die polisie het vermoed dat Zungu onder die invloed van alkohol bestuur het, en het hom in hegtenis geneem. Hy is ook na ʼn hospitaal geneem waar daar bloedmonsters geneem is.

Zungu is nie gevra om te pleit nie. Sy saak is tot 30 Julie uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Peter Says ·

Ware, reg en, geregtigheid het geskied. Mooiso motoriste.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.