Polisieman by kroeg vermoor

Argieffoto Foto: SAPD, Facebook

Argieffoto: SAPD

Die Gautengse polisie het ʼn volskaalse soektog van stapel gestuur na verdagtes wat Saterdag in die vroeë oggendure ʼn polisiebeampte aan diens in Roodepoort vermoor het.

Brig. Mathapelo Peters, polisiewoordvoerder, het gesê die polisiebeampte en kollegas was op patrollie toe die eienaar van ʼn kroeg in die omgewing vir hulle beduie het om langs die pad stil te hou.

“Die kroegeienaar het dringend hulp benodig nadat klante nie die kroeg wou verlaat toe hy dit moes toemaak nie,” het Peters gesê.

Toe die beamptes wou intree, het die klante moeilik geraak en die polisie begin aanval. Die beampte is met ʼn skerp voorwerp in sy bolyf gesteek, waarna sy dienspistool gesteel is. Die groep het van die toneel gevlug. Die beampte is op die toneel dood.

Die polisie ondersoek ʼn saak van moord. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Cherokee

Asj ulle wonder waar dit is (weer gaan lees) dit is in Roodepoort wat die ANC gesê het dinge gaan nou grand wees. …”Het jy ‘Ja.’ of ‘Nee’ gestem? Besluit asseblief daarvolgens.

tom

Probleem is die polisie ken nie die wet

Leahim

Ek dink die meeste polisie beamptes hou hulle op met misdaad soos ons telkens die afgelope week gelees het en konsentreer te min op die werk waarvoor hulle betaal word.Ek het nog nooit van n parate polisieman gehoor wat met n pistool na n mesgeveg toe gaan en dat tweede kom nie.

Leahim

Ek hou ook nie van die polisie soos dit nou is nie .Die metro polisie moet die taak van die polisie oorval en elke polisie wyk moet hulle beamptes aanstel en voorkeur gee aan die inwoners van die wyk.Die beamptes moet ook n jaarlikse evaluering toets slaag soortgelyk aan die vsa se sherif departement.

KarenG

As publiek is ons met rede skepties oor die Polisie. Ek vind dit wel net hartseer dat almal oor dieselfde kam geskeer word, want ek glo daar is nog polisie manne/vroue daarbuite wat in die SAPS is vir die regte redes. Hulle is ongelukkig in die minderheid en soos ons almal weet is misdaad buite beheer in die land. Ek voel die “goeies” veg ongelukkig ‘n “losing battle”, maar voel ook dat ons darem nou en dan in konteks gesien, krediet moet gee waar dit verdien word instede om almal voor die voet oor dieselfde kam te skeer.