Pta-motorfietsryer kritiek ná ongeluk

Die wrak van die motorfiets op die toneel in Bokmakieriestraat, Dorandia in Pretoria (18 April 2015) Foto: Netcare 911

Die wrak van die motorfiets op die toneel in Bokmakieriestraat, Dorandia in Pretoria (18 April 2015) Foto: Netcare 911

ʼn Motorfietsryer is in ʼn kritieke toestand na ʼn ongeluk Saterdagaand in Dorandia in Pretoria, Gauteng.

“Die ongeluk het in Bokmakieriestraat plaasgevind,” het Chris Botha, woordvoerder van Netcare 911, in ʼn verklaring gesê. “Volgens berigte van die toneel het die motorfietsryer beheer oor die fiets verloor en ʼn lamppaal getref.”

Volgens Botha het die man ʼn paar meter van die motorfiets af gelê toe paramedici by die toneel opgedaag het. “Hy het kritieke beserings opgedoen. Hulle het hom op die toneel gestabiliseer en na ʼn hospitaal geneem vir verdere mediese behandeling.”

Die polisie sal die oorsaak van die ongeluk ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Neptunus

Oorsaak? Wel, hier is blykbaar nie ‘n motoris om te blameer nie, so kom ons dink… Wat van oormatige spoed gekombineer met ‘n sopie of twee? Lyk of hy geen nommerplaat opgehad het nie, wonder hoekom… om te kan ry soos hy wil!

Maronel

Neptunus. As jy mooi kyk. Die uitlaatpyp en ‘tail piece’ is weg. Boem. Mors af. Nou hoe verwag jy die nommerplaat moet nog vas wees. Het jy na die toneel gehaas en die nommerplaat gaan soek? Indien wel, kan jy sê daar was nie n nomnerplaat. En dan moes jy sommer jou alkoholblaser ook saamgeneem het.

Gavin

Neptunus jy is een om vinnig tot gevolge te spring, wie se vir jou hy het enigsins iets gedrink? Net omdat dit aand is en die persoon in n ongeluk betrokke was maak dit hom automaties skuldig dat hy n drankie gedrink het? Ek ry self ook motorfiets en ja somtyds ry n mens vinnig maar enige iets kon gebeur het daar kon iets fout gegaan het met sy motorfiets, iets kon voor hom ingehardloop het, n kar kon voor hom ingery het toe swaai hy uit! Dis als moontlikke redes! Hou op altyd die slegte dink van motorfiets ryers… Lees meer »

Jean

Motorfiets + spoed = Kus op wiele…

Chantelle

Vat dit van my wat al 6 jaar lank met krukke loop en elke dag in pyn verkeer. Ek gee nie om wat die oorsaak was nie. Ek wens dit nie op my ergste vyand nie. As hy oorleef het sy lewe sopas in hel verander.