Argieffoto
Die Tshwane-nooddienste is op ʼn hoë gereedheidsgrondslag geplaas nadat die Suid-Afrikaanse Weerdiens gewaarsku het dat swaar reënval moontlik kitsvloede in Pretoria kan veroorsaak.
“Swaar reënval met die moontlikheid van kitsvloede word vanmiddag in sommige dele van Gauteng, veral in Pretoria, verwag. Volgens die voorspelling sal die weerstoestande tot die naweek voortduur,” het Johan Pieterse, woordvoerder van die nooddienste, gesê.
Pieterse het gesê die nooddienste monitor die situasie in alle gebiede wat geneig is om kitsvloede te ervaar tydens swaar reënval.
“Inwoners word versoek om alle laagliggende gebiede te vermy wanneer deurlopende reënval ervaar word. Motoriste word gewaarsku om nie op paaie te ry wat heeltemal met water bedek is en waarvan die padoppervlakte nie sigbaar is nie.”
Die publiek kan noodgevalle aanmeld by 10177 of 012 310 6300/6400
Hulle voorspellings is nie akkuraat nie, hier het nie eers 1 druppel reën in Pta geval vanmiddag
Dis nou 20:30 en kurkdroog in PTA moot
Hier in Verwoerdburg het ons ook niks gekry nie, hoe op aarde kan hulle sulke voorspellings maak?
20 jaar gelede met baie minder tegnologie was die voorspellings baie beter. Hulle lieg nou soos Malema. Ek glo niks wat hulle sê nie.
Ons het gisteraand en in die oggend ure lekker reenval gehad in die Roseville / Mayville area in Pretoria
Die posduif was bietjie laat want vandag, Woensdag, was hier massas water uit die lug geval en ons het BAIE water gehad en huise het oorspoel en kragontbrekings in ons Monumentpark gebied.
Dagsê Sarie
In die berig (wat Dinsdag geplaas is) word genoem weertoestande word tot die naweek verwag, dus is die waarskuwing tot die naweek geldig.
Groete
Phillip Bruwer nms. Maroela Media