Ramaphosa die leier wat SA nodig het, sê Mokgoro

Job Mokgoro (Foto: ANA)

Job Mokgoro, Noordwes-premier, het Dinsdag tydens ʼn provinsiale bestuursvergadering in Mafikeng in Noordwes gesê pres. Cyril Ramaphosa is die “regte kandidaat” om Suid-Afrika die toekoms in te lei.

Mokgoro het gesê Ramaphosa voeg sedert die begin van sy ampstermyn daad by die woord en is daarom die régte leier om die land vorentoe te neem.

“My persoonlike mening is dat die land Cyril Ramaphosa as president nodig het,” het hy gesê.

“Hy het al verskeie dinge gedoen wat ons ʼn duidelike teken gegee het in watter rigting die land op pad is. Jy kon sien beleggers is weer gretig om in Suid-Afrika te belê. Ons is duidelik nou weer op ʼn punt waar die [toestand van die land] gestabiliseer het.”

Mokgoro, wat aangedui het dat hy ondersoek instel daarna of sy provinsiale kabinet geskommel moet word, het gesê Ramaphosa moet die geleentheid gegun word om sy ampstermyn te voltooi.

Ramaphosa is tydens die nasionale konferensie in Desember 2017 as leier van die regerende ANC verkies. Hy is verkies tot president van Suid-Afrika nadat oudpres. Jacob Zuma vroeër vanjaar uit sy amp bedank het.

Ramaphosa het Saterdag gesê Suid-Afrikaners is moeg daarvoor dat sakeondernemings in die land deur ʼn minderheid bestuur word. Hy het ook gesê die regering werk baie hard daaraan dat swart mense “ernstige sakelui” word. “Ons wil hê hulle moet sakeondernemings bestuur en ander in diens neem. Ons wil hê radikale ekonomiese bemagtiging en transformasie moet aan die orde van die dag wees,” het hy gesê nadat hy titelaktes in die Stanger-omgewing uitgedeel het.

Ramaphosa het gesê die tyd vir slagspreuke is nou verby. “Ons gaan vir ons mense grond gee.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Eish

Nè!
“Suid Afrikaners is moeg daarvoor dat sakeondernemings in die land deur n minderheid bestuur word.”
Maar jul het Eskom, Denel, Prasa, SAA, Die NOK, die provinsies en die land in die afgrond in bestuur.
Die VBS bank, ten volle gereinig van enige minderheidsteenwoordigheid,gereduseer tot n blik wurms.
Diė stelling is soos om Markus Jooste in diens te neem na die Steinhoff debakel as minister van finansies!
Hierdie Titanic het lankal die ysberg getref, maar die bemanning is salig onbewus daarvan.

Elize

Ek stem 100% saam jou EISH

Willem

Hy sou dit van einige ANC “leier” gesê het.

Spike

Dit sal net vir die comrades gegee word. Die wat op straathoeke sit sal niks kry. Verkiesings praatjies. Kommunistiese uitsprake gedoem tot mislukking.

Gestremde

Duidelik sienende blind en horende doof… Die rand vetrel ‘n ander storie in News 24:

The rand’s comeback against the dollar this month will run out of steam as US rates rise and the trade war weighs on global growth, says the most-accurate forecaster of the currency.