Ramaphosa vra ‘groter waaksaamheid’ rakende Covid-19 

Pres. Cyril Ramaphosa. (Foto: Elmond Jiyane/GCIS)

Daar moet nou nog groter waaksaamheid wees om die koronavirus te probeer stuit aangesien ʼn oplewing van enige aard ʼn drastiese invloed sal hê op die bestaande vordering asook die ekonomie.

“Met die feestyd wat nader kom, is dit van sleutelbelang dat ons nie die argitekte van ons eie ondergang word nie,” sê pres. Cyril Ramaphosa in sy weeklikse nuusbrief.

Die president sal na verwagting dié week die land toespreek. Die nasionale bevelraad vir die hantering van kwessies rakende die koronavirus vergader weer vandeesweek en sal daarna ʼn verslag aan die kabinet voorlê.

Om ʼn tweede golf Covid-19-infeksies te voorkom, moet daar aan die gesondheidsriglyne wat steeds geld, voldoen word.

“Wanneer ons nie ʼn masker tydens ʼn sosiale byeenkoms dra nie, stel ons nie net onsself en ander in gevaar nie – ons stel ook ons ekonomiese herstel in gevaar.”

Ramaphosa meen die dra van maskers, die handhawing van sosiale afstand en om gereeld hande te was, het die land gehelp om die ergste uitwerking van die pandemie te oorkom.

“Ons moet onthou watter opofferings ons aan die begin moes maak om die verspreiding van die virus te keer. Hoewel die meeste sosiale en ekonomiese aktiwiteite hervat is, moet ons steeds aan al die gesondheidsmaatreëls voldoen. Dit is noodsaaklik indien ons ons ekonomie wil herbou en die krisis agter ons plaas.”

Ramaphosa het verder die regering se reaksie op die pandemie geloof. Hy het verwys na die spesiale toelaes wat beskikbaar gemaak is en die ondersteuning wat aan ondernemings gegee is.

“As ons nie ingegryp het om mense se lewensbestaan te verseker en ondernemings te red nie, sou die lewensomstandighede van ons mense en die omstandighede van duisende ondernemings aansienlik erger gewees het.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Trotse Boervrou

Amper verstik ek. Dit is AL wat ek wil sê.

Bella

Die Nelson Mandela stigting moet eerder hulle mond hou. Hulle weet nie waarvan hulle praat nie. Suid Afrika en die ANC regering is niks om op trots te wees nie.

Mariana

Nee regtig mnr die president? Mense se lewens is nou meer haglik as voor Covid. Al mense wat gehelp is die wat deur privaat organisasies gehelp is.Die groot bedrae skenkings en lenings en wat nog, was slegs aan sommiges gegee en natuurlik die kaders se beursies het ook mooi vet geraak. So nee mnr. die regering se hantering van die pandemie was allesbehalwe goed. Mense het na hulself omgesien….. besighede se deure is gesluit, 1000de is sonder inkomste, selfs kospakkies was ‘n probleem.

Adam Adriaan

MR CR hou op om toetse te doen, dan sal al jou bekommernisse soos mis voor die son verdwyn. Moet nie weer ‘n triek uit dink om jou ANC Kommunistiese ideologie op “Our People” af te dwing nie. Met die Covid- 19 is daar geen geloof in die wêreld wat nie vrywillig in huisares in gegaan het nie. Wie moet ons bedank? Die NWO drywers en daar wag nog groot verrassings vir ons.

Suzette

“…argitekte van ons eie ondergang…” Wat?? Regtig – julle doen dit REEDS! Dit was al so VOOR Covid. Die anc is die eintlike probleem…