‘Rassistiese’ generaal by MRK aangekla

Foto: SAPD, Facebook

Foto: SAPD, Facebook

Die vakbond Solidariteit het vandag bekend gemaak dat hy ʼn amptelike klag teen ʼn senior offisier van die Suid-Afrikaanse Polisiediens (SAPD), generaal-majoor Sandra Malebe-Thema, by die Menseregtekommissie (MRK) in Kaapstad gaan indien.

Die klag volg op ʼn voorval wat op Maandag 7 November by die SAPD se Opleidingsakademie in Oudtshoorn plaasgevind het.

Volgens Anton van der Bijl, hoof van Solidariteit se Sentrum vir Billike Arbeidspraktyke, het genl.maj. Malebe-Thema, die hoof van basiese polisie-ontwikkeling, tydens haar besoek aan die akademie na bewering rassistiese en vernederende opmerkings teenoor verskeie personeellede verbonde aan die akademie gemaak.

“Malebe-Thema het opleidingspersoneellede na die verhoog ontbied en vernederende opmerkings oor hul kleredrag en gewig gemaak, waarna sy verskeie rassistiese opmerkings gemaak het, soos dat daar te veel wit gesigte in opleiding is en dat sogenaamde diskriminasie teenoor swart studente stopgesit sal word,” het Van der Bijl gesê.

Volgens Van der Bijl het Malebe-Thema na bewering onder meer gesê wit personeellede, wat in sekere afdelings werk, verryk hulself reeds vir ʼn geruime tyd onregmatig. Sy het ook pertinent gesê die wit instrukteurs is rassiste wat die studente onder hul bevel onregverdig behandel.

“Studente deurentyd vir haar opmerkings gelag en kwetsende kommentaar oor hul seniors gelewer.  Genl.maj. Malebe-Thema se optrede het die personeel se gesag oor die rekrute totaal vernietig,” het Van der Bijl verduidelik.

Hy het gesê die betrokke personeellede se grondwetlike reg op waardigheid en gelykheid is ernstig aangetas deur dié optrede. “Solidariteit is tans besig om ʼn formele grief namens sy lede verbonde aan die opleidingsakademie op te stel, sodat die SAPD die saak intern kan ondersoek. Indien die SAPD nie sy eie beleid en voorskrifte nakom nie, kan die vakbond die werkgewer kragtens artikel 60 van die Wet op Billike Indiensneming na die arbeidshof neem,” het Van der Bijl bevestig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Buitestander

Ek vertrou regtig dat Malebe-Thema tot orde geroep sal word en dat gesag herstel sal word.

zoom zoom

Sy gaan wegkom met dit wat sy gese het. Niemand gaan n vinger op haar le

Nici

En hierdie mense moet in belang van ALMAL optree …. wat ñ grap …. Apartheid is alive and well … die skoen is nou net aan die ander voet. Ons is nie net 23 jaar terug nie, dis veel, veel meer en versoening en die gees van Ubuntu ñ klug.

Anti Rasis

Weet sy wat beteken die woord malebe?

Ali

Een vraag hoe bevorder mens so n persoon? Seriouslly????? Is dit n leier, offisier vir wie ons moet opkyk wat ons as publiek veronderstel is om te beskerm? Maar ja dis regtig n reusagtige skande dat n persoon op daai level sulke twak kwyt raak. As ek dit in my werksplek doen…. ja word ek verseker gefire. So ja laat consistancy toegepas word. So n persoon HOORD NIE IN DIE DIENS VAN DIE STAAT NIE.