Regering het nou oog op J&J vir entstof

Die AstraZeneca-entstof. (Foto: JUSTIN TALLIS/ AFP)

Dr. Zweli Mkhize, minister van gesondheid, het Woensdagoggend aangekondig dat die regering nou Johnson & Johnson se entstof teen Covid-19 tydens fase een van die entstof-program gaan gebruik. Dit nadat navorsing gewys het dat die AstraZeneca-entstof, wat die regering reeds ten duurste aangeskaf het, nie effektief teen die nuwe Covid-19-variant is nie.

“Die navorsing oor die effektiwiteit van die entstof is eers afhandel nadat ons dit aangekoop het. Ons kon nie bekostig om die aankoop van die entstof uit te stel tot ná die navorsing afgehandel is nie, aangesien dit die proses aansienlik sou vertraag,” het Mkhize gesê.

Die AstraZeneca-entstof het verlede Maandag uit Indië in Suid-Afrika aangekom en die regering het R120 miljoen daarvoor opgedok.

Mkhize het erken dat die vervaldatum op die entstof 30 April is, maar het gesê die entstof sou teen dan reeds opgebruik wees. Mkhize sê sy departement het op die vervaldatum afgekom toe hulle die gehalte van die besending nagegaan het.

Die minister sê die Johnson & Johnson-entstof se effektiwiteit teen die Suid-Afrikaanse variant van die virus is reeds bewys en die regering is in die proses om goedkeuring te kry om dit in Suid-Afrika te gebruik. Die regering het boonop reeds die verkryging van die Pfizer-entstof verseker en is ook in die proses om die gehalte van die Sputnik V-entstof te bepaal en met vervaardigers in gesprek te tree.

Dit is nog nie seker wanneer die regering nou met fase een van inentings, wat reeds verlede week moes afskop, gaan begin nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
SwartBees

En weer is Suider-Afrika die hoof nar in die sirkus.

Rentia

En daar is wyd bespiegel J&J gaan al gespuit word middel Feb. End van die week dus…. sal ons eerlik waar verbaas wees om later uit te vind J&J plakkers het op ‘n absoluut onverklaarbare wyse op AstraZeneca bottels beland? En niemand kan dit verklaar nie-natuurlik… Daarom sal daar kommitees saamgestel word wat oor 6 maande moet sê hoe het dit gebeur. Die gaan bietjie meer tyd benodig, en oor ‘n jaar het almal vegeet daarvan.

Pieter

“Mkhize se sy departement het op die vervaldatum afgekom toe hulle die gehalte van die besending nagegaan het”……….

So wat van hulle stuur die besending terug en eis hulle geld terug?

Friedrich

So hulle het Miljoene betaal vir ‘n dus. Wonder of hulle die geld gAn terug vra? ????????????????????????????????????

Genis

En ons eerlikke belasting betalers gaan vir die gelag betaal…. Hierdie klonk vir my Chinese Bookeeping…