Minister Tito Mboweni. (Foto: Nokuthula Mbatha/ANA)
Tito Mboweni, die minister van finansies, het Woensdag aangekondig dat luukse motors, eersteklasvlugte en groot salarisse vir regeringsamptenare iets van die verlede gaan wees.
In sy mediumtermynbegrotingsrede het Mboweni gesê dat regeringsamptenare se salarisse vir tyd en wyl op hul huidige vlakke gevries gaan word, terwyl daar ook ʼn moontlike afwaartse aanpassing aan die salarisse van die kabinet, premiers en LUR’e kan volg, omdat Suid-Afrika se ekonomie nie meer die hoë loonrekening van die openbare sektor kan bekostig nie.
Die koste vir amptelike voertuie sal nou tot R700 000, BTW ingesluit, ingekort word, terwyl ʼn nuwe selfoonregulasie die bedrag wat van die regering af teruggeëis kan word, ook sal sny.
“Van nou af sal alle plaaslike vlugte slegs ekonomiese klas vlugte wees en daar sal ook nie meer geld beskikbaar wees vir beide plaaslike en internasionale reise nie,” het Mboweni gesê.
“Om die regering se begrotingstekort te verminder, sal die loonrekening hersien moet word. Tans maak dit 35% van die regering se totale begroting uit,” het die Nasionale Tesourie gesê.
Die regering se loonrekening staan tans op R518 miljard en is ook een van die uitgawes wat die meeste gegroei het, as gevolg van vergoedingspakkette wat bo inflasie aangepas is.
Tussen 2006-’07 en 2018-’19 het die getal openbare werkers wat oor R1 miljoen ʼn jaar verdien van 9 600 tot 29 000 gestyg, hoofsaaklik as gevolg van ʼn groeiende aantal werkers wat hoogsgeleerd is. Die gemiddelde inkomste van die groep het met sowat 8% oor die tydperk – van R1,2 miljoen tot R1,3 miljoen – gestyg.
Die gemiddelde vergoeding wat werkers in die openbare sektor verdien, is ook hoër as die gemiddelde vergoeding in die res van die ekonomie. Data van Statistieke Suid-Afrika se kwartaallikse werknemersopname het getoon dat die gemiddelde vergoeding oor die land se 110 sektore (landbou uitgesluit) tydens 2018-’19 net onder R237 000 ʼn jaar is. Daarteenoor is die vergoeding van ʼn werknemer in die nasionale of provinsiale regering om en by R352 000 ʼn jaar.
“Inteendeel, ons skat die syfer is selfs nog hoër, om en by R393 000 ʼn jaar,” het die Tesourie gesê.
Die gemiddelde styging in die regering se loonrekening was 6,8% in 2018-’19, 2,2% bo inflasie. “Ons sien uit na die gesprekke wat ons met unies en onderhandelingstrukture gaan hê om ʼn volhoubare ooreenkoms te verkry. Ons vra ook aan staatinstansies, openbare entiteite en die private sektor dat die topbestuur se vergoeding en byvoordele gesny sal word.”
Dit is egter net een van die stappe wat die regering gaan doen om koste met soveel as R49,5 miljard te sny. Een van die ander stappe sal wees om sekere entiteite en regulatoriese agentskappe te laat saamsmelt en te konsolideer.
Verder sal die staat ook van sy bates en ongebruikte grond verkoop.
Daar sal ook daaraan gewerk word om eise teen die staat te verminder. Mediese eise teen provinsiale gesondheidsdepartemente het tot R99 miljard gestyg tydens 2018-’19; ʼn beduidende styging van 2017-’18 se R80 miljard. Uitbetalings vir die eise het op R2 miljard in 2018-’19 gestaan, op van R1,5 miljard in 2017-’18.
Eise by die Padongelukfonds sal ook na verwagting van R341 miljard in 2019-’20 tot R605 miljard in 2022-’23 styg. Tydens 2018-’19, was 36% van brandstofbelasting betaalbaar aan die fonds. “Eise teen die fonds het baie vinniger gegroei as die heffing op brandstof, wat beteken dat daar onvoldoende inkomstegroei was om die stygende las te vereffen,” het die Tesourie gesê.
Laastens gaan die regering sy bestaande regulatoriese verkrygingsraamwerk aanpas deur die Openbare Verkrygingswet rakende die prosesse te vereenvoudig. Die wetsontwerp gaan vir openbare kommentaar in die Staatskoerant gepubliseer word sodra die kabinet goedkeuring gee.
Die Suid-Afrikaanse regering gaan ook oor die volgende drie jaar ʼn bykomende R1,3 miljard aan die Nasionale Vervolgingsgesag gee, asook ʼn bykomende R1 miljard aan die Suid-Afrikaanse Inkomstediens afstaan om korrupsie hok te slaan en belastinginvordering te verbeter.
Die stappe gaan gedoen word om te verseker dat die regering die gelde invorder wat dit nodig het om die Suid-Afrikaanse ekonomie aan die gang te hou, asook om lekkasies van die gelde stop te sit.
“Om ons doelwitte te bereik, gaan Suid-Afrika ʼn bykomende R150 miljard benodig oor die volgende drie jaar, of R50 miljard ʼn jaar,” het Mboweni gesê.
Die syfer is egter makliker gesê as gedaan, omdat die plaaslike ekonomiese vooruitsigte reeds in die jaar verswak het. Groei vir die jaar is nou voorspel om slegs 0,5% te wees. In 2020 ʼn ekonomiese groeisyfer van 1,2% voorspel. Die begrotingstekorte sal na verwagting ook tydens 2019-’20 verhoog tot 6,2%.
Die regering gaan egter weer hulp verleen aan sukkelende staatsinstansies, soos die Suid-Afrikaanse Lugredery (SAL). Oor die volgende drie jaar sal die beleerde onderneming nie sy uitstaande gewaarborgde skuld van R9,2 miljard kan delg nie. Die regering het weereens onderneem om die skuld te betaal, sodat die redery sy kontraktuele verpligtinge kan nakom. “Operasionele verandering is dringend by die SAL nodig,” het die Tesourie gesê.
Ja sny want die helfte van hulle doen nie hulle werk nie Jan alle man moet maar tevrede wees met n piesang pay voeg dan net die woord by die daad asb.
En die unies gaan dit net aanvaar???
Hulle gaan weereens vra hoekom die werkers die las moet dra van staatskaping, en geregverdig ook. Sny eerder die onbevoegde werkers (dooie hout) af en julle sal baie geld spaar.
En mijarde word aan Denel, SAL, Eskom ens gegee???
Sien is glo!!
ASSEBLIEF!! moet my nie laat lag nie! Waar sal dié regering ooit bespaar.
Al wat hulle ken is verkwisting, diefstal en selfverryking !
Dankie Mnr. Mboweni, maar sit tog maar die DAAD by die woord anders is dit betekenisloos.
Nou wil hulle ongebruikte grond verkoop. Plaas dat hulle dit aan die minder bevoorregtes uitdeel.
Nou het ek regtig HOOP, iemand wat by die regte kant begin sny, dink maar ook net daaraan om by Denel, SAL & Eskom te sny aan die poste, dan sal dinge werk!
Herdie mense glo regtig die twak wat uit hul eie monde kom !
Eersteklas vlugte is nou verbode. Goed so. Wat van besigheidsklas? Laat hulle cattle class vlieg soos gewone mense.
Julle definisie van luukshede verskil van myne.
Krismis is vroeg hierdie jaar!!
Al wat Gaan gebeur is dat die Soustrein op korter roetes gaan ry waar minder “geskep”sal kan word! Die Houdini -toertjie hou nie water nie want die reisigers het “jaar-kaartjies, en Klim Vir Niks of Niemand van die Trein af nie!
Die werkers wat meer as R1000000 verdien het van 9600 ge styg na 29000, hoofsaaklik a.g.v. van ‘n groeiende aantal werkers wat hoogs geleerd is. Nie as jy hulle op die TV sien besig met onderhoude nie !! Dan verdien iemand nie sy “geleerdheid” nie.
Ja nee Piet, toe ek daai sinnetjie lees kon ek net lag. Ek weet regtig nie waar al die kwansuis hoog geleerde personeel is nie. Dis net plain diefstal. Ons vat dit want ons kan! Hulle kan almal se salarisse ten minste halveer, en daai tjorrie van R700000 is nog steeds te veel. ‘n Corolla loop net so goed soos die Merc wat ook net “deurgetrek” word. Gee hom ‘n basiese toelaag van so R8000/m en daarmee moet hy oor die weg kom. Jy kan ‘n baie lekker kar koop daarmee. Enigiets duurder en hy moet self betaal. Maar vir wat moet elkeen ‘n kar kry? Ry bus en trein soos die oorgrote meerderheid van SA. Dis in elk geval waaraan hulle gewoond was voor hulle in die botter geval het.
Aag moeder. Jy het dieselfde boodskap al vroeër uitgestuur en hulle maak die land net meer bankrot
Hoekom so duur karre ry? Jul vlieg in elkgeval gewoonlik. Dit is nie geleerdes se salarisse wat gestyg het nie dis amptenare wat jare by die huis is terwyl daar ondersoek ingestel word en dan word daar nog iemand in sy/haar plek ook aangestel om die werk intussen te doen. Die regering het toegelaat dat korrupsie vir jare aanhou en aanhou en noudat die beursie leeg is nou wil almal bohaai opskop. Regering moet by hulself eers begin. Sny op alles wat jul kry. As die verhogings meer is as die inflasiekoers hoekom is petrol so duur, hoekom is kos so duur, hoekom is daar nie openbare vervoer wat veilig is nie, so kan die lysie aangaan. Die ou op die straat moet self hiervoor betaal terwyl die regering se amptenare die meeste goed gratis kry + vet salaristjekkie
Die ANC hansworse sal nooit hul weelde prys gee terwille van die kiesers en belasting betalers nie. Hulle sal eenvoudig die petrol/ Diesel pryse verhoog en as dit nie meer volhoubaar is nie gaan hulle die belasting en rente koerse aanpas.
Solank daar mense aan bewind is wat korrupsie, diefstal, verwoesting, verkragting, moord en verbrand verdedig en steeds nie boet vir hul dade nie hoekom sal dieselfde mense skielik van visie verander, hulle het immers 25 jaar lank daarmee weggekom en nog nie een enkele mak “skroef” is vir hy of haar dade toegesluit nie. Die beste van alles is dat, die wereld daarbuite sien al hierdie dinge daagliks gebeur op televisie in SA en gee nie ‘n vlenter om wat gebeur nie dit tenkoste van die kiesers en belasting betalers. SA kon lankal ‘n 1ste wereld klas land gewees het met die beste tegnologie, werksgeleenthede, wetenskap, gesondheidsopvoeding ens maar toe word die land aan mense uitgedeel wat glo KULTUUR en MEERDERHEID bepaal ‘n land se toekoms, nie visie, beplanning, volhoubaarheid, motivering, wilskrag, sukses en trots nie jammer om te sê. Tito sê wat die Kiesers wil hoor maar dit sal nooit deurgevoer word nie en hy weet dit want hy word beheer deur sy kamarade in die ANC. Dawie Roodt(Ekonoom) van SA het lankal uitgespel wat SA se oplossing is maar ongelukkig is hy wit te ver geleer en sy visie, oplossings en beginsels maak inbraak op die ANC regering se toekomsplanne vir die meerderheid.
Hy moes voertuie se toelae heeltemal tot niet gemaak het. As die spul amptelik wil ry kan hulle voertuie by die staatsgarage trek. Hulle moet ook ophou om die duurste voertuie aan te koop vir die regering. Aangesien hulle so hand op die blaas met die Chinese is, waarom koop hulle nie die goedkoop Chinese junk vir die staat nie? ‘n Cherry QQ gaan jou hom by sy bestemmming bring net soos die Lamborghinis en die Maseratis wat deur die ANC en EFF LP’s gery word.
Hmmm ja…. Die beursie is glo toe terwyl die koffers se krane stroom……
Hmmmmm, ja….. terwyl die beursie kamstig toe is, loop dit intussen in dik strome by die staatskas se krane uit…..
Die regering se beursie is nou toe terwyl die gulp wa-wyd oop is.
Al 25 jaar word meer en meer aanstellings gedoen en gaan die land meer en meer agteruit. Jammer, maar die regering het volgens my bewys hul is nie in staat om die land te regeer nie maar wel in staat om te praat. Die land gaan met rasse skrede agteruit en dit is waar dit bly
Cap selarisse. As hulle meer bang vir hulle buck wil he, verbeter die Rand.
Dan, al hierdie outjies wat net R100 vir krag betaal en wat geen belasting betaal nie. Laat hulle betaal pappie…
Dan, as jy wil ry, gebruik dan jou eie kar soos die res van ons.
As jy wil leer, betaal dan.
As die Rand nie verbeter, kry jy nie bonus.
Social grants moet betaal word gabasseer op die verbetering wat gemaak word in jou area, jyt tog tyd….
Moet nie meer aan buur lande gratis iets gee nie. Verwyder mense in die land wat nie bydrae nie.
En en en en. Sien daars baie wat jy kan doen, maar neeeeeee jy moet mos paaaaai
Die logiese stap sou wees! Verklein die die kabinet, vlieg minder om twak te gaan praat, bly in gewone verblyf, laat hulle Uber ry, minder en eenvoudige vermaak/onthale en stel doelwitte tot voordeel van ons belasting betalers! Hulle kan maar staak ons sal dit nie eers agterkom nie!
29000 verdien oor ‘n miljoen per jaar… liewe ouer!
Ek sien dat Padongeluksfonds en mediese eise heelwat hoog is. Maak die paaie reg en ruk die staatshospitale reg dan sal hierdie eise ook verminder. Begin op die grond met dienslewering dan sal dit mettertyd beter gaan. Dank onbevoegde munisiaple amptenare af wat versoorsaak dat die Munisipaliteite onsuksesvol is. Plaas mense daar wat iets beteken en skaf die Regstgellende aksie af. Jul SCM is ook n oopdeur vir onbevoegde mense om diens te lewer. Hoelank wil jul nog teen jul eie oogklappe vaskyk??
1. Privatiseer Privatiseer privatiseer!!!!!ASAP
2. Ondersteun plaaslike besighede…SA moet n kar bou wat amptenare net met die motortoelaag kan koop.
3. Verminder vergoedingspakette, as jy vir die staat of semista
ats-instansies werk dan is jy n “public servant” en nie veronderstel om skatryk te word op n selaris nie…andersins begin jou eie besiheid en werk vir jouself…dan kan jy jou eie groot selaris betaal (net so groot soos jy wil)
Talk is (literally) cheap. More is die asblikke weer oorvol van die duurste bottels drank wat gekoop kan word, maar daar “is nie geld vir luukshede nie”…