Regsaksie oorweeg oor KSA se rassediskriminerende aanstellings

Argieffoto.

Die burgerregteorganisasie AfriForum het sy regspan opdrag gegee om moontlike regsaksie teen Krieket Suid-Afrika (KSA) te ondersoek.

Dit volg nadat Krieket Suid-Afrika aangekondig het dat hulle voortaan daartoe verbind sal wees om slegs swart konsultante aan te stel in ’n poging om transformasie te versnel. Dié besluit is Maandag tydens ’n vergadering met die departement van sport en ontspanning bevestig.

“Krieket Suid-Afrika se besluit om uitsluitlik swart konsultante aan te stel, kan as niks anders as onregverdigbare rassediskriminasie beskou word nie,” sê Ernst Roets, hoof van beleid en aksie by AfriForum.

“AfriForum neem sterk standpunt in teen enige vorm van rassediskriminasie en sal gevolglik die nodige aksie neem wat hierdie saak aanbetref. Dit is kommerwekkend dat dit nou ’n algemene verskynsel geword het dat sommige vorms van diskriminasie verskoon word en as “noodsaaklik” of “positief” geregverdig word. Gevaarlike en blatante dubbele standaarde soos dié moet beveg word, en as ’n burgerregteorganisasie is dit presies wat AfriForum sal doen,” het Roets bygevoeg.

Intussen het Maroela berig die beleërde nasionale krieketbeheerliggaam sou Saterdag sy jaarvergadering gehou het waartydens hy onder meer ’n nuwe president, uitvoerende hoof en ’n paar raadslede sou verkies het.

Verskeie voormalige administrateurs het versoek dat die verkiesing eers ter syde gestel moet word sodat KSA sy huis in orde kan kry. Die brief is ook deur Ray Mali, oudpresident, onderteken.

KSA het egter gistermiddag in ’n mediaverklaring gesê dat die vergadering vir eers afgelas is. Geen alternatiewe datum is nog verskaf nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Callie

Laat hulle sommer in swart klere speel ook. Ek en baie ander is klaar met sport in SA!

Johann

Wanneer gaan Afriforum leer dat regs aksies in die land werk nie. Al wat moet gebeur is dat ons ondersteuners krieket moet boikot en GEEN enkele ondersteuner moet opdaag by die wedstryde of dit op tv kyk nie. Slaan hulle waar dit seer maak en dis op die beursie.

Blikke

Vaarwel SA Krieket……dit was goed om van die wereld se beste te kon wees!!!

Mallie

Ek hoop die borge onttrek ook. Alles gaan ten gronde en vir wat?

Andre

Ek moet vir KSA opstaan en noem dat daar steek geen waarheid in dat hulle die vierde alliansie lid van die ANC gaan word nie asook dat CSA nie staan vir Circus South Africa nie