Regsaksie oorweeg oor roofkopieë van ‘Gangster State’

Penguin Random House, uitgewer van Gangster State: Unraveling Ace Magashule’s Web of Capture, dreig met regsaksie teen diegene wat roofkopieë van die boek op sosiale media versprei.

“Ons wil dit duidelik stel dat die enigste manier om die e-boek wettig te bekom is om dit by ʼn e-boekverspreider te koop. Enige kopiëring of verspreiding van ʼn roofkopie van die e-boek of om ʼn skakel na ʼn roofkopie te deel is onwettig.”

Volgens die uitgewer sal hy regsaksie instel teen individue wat roofkopieë van die boek versprei en kan dit kriminele klagte insluit.

Roofkopieë van Pieter-Louis Myburgh se boek word tans in PDF-formaat op sosiale media versprei.

Julius Malema, leier van die EFF, is een van diegene wat op Twitter sy ondersteuners gevra het om vir hom ʼn roofkopie van die boek aan te stuur. Malema het vinnig reaksie gekry van sy ondersteuners en daarna getwiet dat hy reeds drie elektroniese kopieë gaan kry en dat hy dit met ander sal deel.

Myburgh het Malema op Twitter daaroor aangevat. “Another cheapskate ?. @Julius_S_Malema and his wifey can afford to rub shoulders with the WMC elite at places like the #InandaClub, but he won’t pay around R300 for a legal copy of a book. #GangsterState.”

Myburgh het ook later op Twitter vir Malema gesê dit blyk hy en die hele party het nou al onwettige kopieë van die boek en dat hy hulle graag sal wil uithelp om die boek ten volle te verstaan. “ʼn Mens moet kan lees en in staat wees om ingewikkelde kwessies te verstaan,” het Myburgh geskryf en ʼn handgetekende prentjie gedeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Esta

Puik tekening Pieter-Louis, PUIK!!!!

SjN

Hoop die wat dit gekry het op hul slimfone gaan dit nou seker brand steek.

Db

@SJN. Baie skerp en lag ek nou so kliphard hier waar ek alleen in die kantoor sit en lees

JG

Ons almalweet mos nou al teen die tyd…Malema en “wettige optrede” kan nie saam in een sin gebruik word nie…

Karolis

PLM, ek dink jy behoort te weet wat die gevolge is wanneer jy jou goed op die internet plaas, vir almal om te sien en te misbruik.