Rietvlei se leeus grusaam gestroop

Maroela Media het die foto verbloem weens die grafiese aard daarvan. (Foto: Verskaf)

WAARSKUWING: Die foto’s in die berig is grafies van aard en mag sensitiewe lesers en kinders ontstel.

Vier leeus is Donderdagaand grusaam by die Rietvlei-natuurreservaat in Pretoria van kant gemaak.

Dana Wannenburg, lid van die burgemeesterskomitee vir omgewings- en landboubestuur, sê bewaarders het Vrydag vroegoggend op vier geskende leeukarkasse in ʼn kamp in die reservaat afgekom. Die diere se kake en pote is verwyder.

Volgens Wannenburg is die polisie na die reservaat ontbied en ʼn veediefstaleenheid is ontplooi.

“Hoewel die ondersoek in ’n vroeë stadium is, lyk dit asof die leeus vergiftig is en dat die liggaamsdele verwyder is vir moetie-doeleindes,” sê Wannenburg.

Die karkasse is nou na Onderstepoort geneem vir gedetailleerde ontleding.

Wannenburg sê dié gru-vonds is ʼn hartseer dag vir Tshwane. “Rietvlei se leeus was die trots van Tshwane en ʼn groot toeriste-aantreklikheid. Hul verlies sal nog vir baie jare gevoel word.

“Hierdie wrede daad sal nie ongestraf bly nie en die amptenare van die Tshwane-bewaringseenheid, die SAPD en die nasionale en provinsiale departemente sal onverpoosd werk om die oortreders te identifiseer en in hegtenis te neem,” sê Wannenburg.

Die vorige hooffoto is vervang aangesien dit misleidend was. Maroela Media vra om verskoning vir die oorsig. -RED

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Johan

Destroy , rape , murder , loot……when is this going to stop???? I have no more words….cry the beloved country!!!!!

Francois

DIt is n baie hartseer dag ,die wreedheid hieraan verbonde kan nie beskryf word nie. Die personeel gaan nog lank hier die dag onthou.

Johan

Verskriklik…! Tot leeus is nie meer veilig in ons “demokrasie” nie…

Johan

Ai, lyk my dink die arme leeus was nog veilig in Pretoria, maar nie in “tswhane” nie…

HPV

So plunder hulle voort, alles moet eenvoudig vernietig word want daar is geen môre nie.