Rohde wil appèlhof direk nader

Jason Rohde (Foto: ANA)

Jason Rohde, die sakeman wat 20 jaar direkte tronkstraf opgelê is vir die moord op sy vrou, sal hom direk na die appèlhof wend in ʼn poging om sy skuldigbevinding en vonnis omgeswaai te kry.

EWN berig Rohde se aansoek om verlof tot appèl is Dinsdag in die Wes-Kaapse hooggeregshof van die hand gewys. Regter Gayaat Salie-Hlophe het bevind ʼn appèlsaak het geen redelike vooruitsig op sukses nie en ʼn ander hof sal net tot dieselfde bevinding kom.

Rohde se regspan meen egter daar was fundamentele foute in die staatspatoloog se bevindings en die manier waarop die nadoodse ondersoek op Susan Rohde uitgevoer is. Die verdediging het gesê hulle sal direk by die appèlhof om verlof tot appèl aansoek doen.

Rohde is in November verlede jaar skuldig bevind dat hy Susan op 24 Julie 2016 in ʼn hotelkamer by die Spier-wynlandgoed buite Stellenbosch vermoor en haar liggaam in die badkamer toegesluit het. Die hof het bevind Rohde het ná die moord met die misdaadtoneel gepeuter in ʼn poging om die voorval soos selfmoord te laat lyk.

Die hof het gehoor dat Rohde in ʼn buite-egtelike verhouding was ten tyde van Susan se dood.

Selfs nadat Rohde vir die misdade gevonnis is, hou hy steeds vol dat hy onskuldig is en dat Susan selfmoord gepleeg het. Salie-Hlophe het egter in haar uitspraak beslis dié weergawe van gebeure kan nie moontlik waar wees nie.

Lees alle vorige berigte oor Jason Rohde op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Santjie

Vat nou maar jou pak soos ‘n man toe?

Santjie

Vat jou pak nou soos ‘n man!

GM

Of hy nou sy vrou fisies vermoor het of nie, hy het haar siel vermoor deur met ‘n ander vrou deurmekaar te raak terwyl hul nog getroud was. Hy kon van sy vrou geskei het, maar hy wou sy brood aan albei kante gebotter hê.

Dien

Dink hys onskuldig

Sê maar net

Toe nou nie. Rhode is onskuldig en hy wou van Susan geskei nog lank voor hy ‘n verhouding gehad het. Susan was gedurig op antidepresante want sy het aan depresie gelei. Sy het ook gedurig gedreig om selfmoord te pleeg as hy sou voortgaan om van haar te skei. Sy was leterlik ‘n druppende kraan. Rohde het genoeg gehad daarvan en sy voet neergesit om finaal te skei. Sy het ‘n vloermoer gegooi en haarself gehang… sorry om julle batterye nat te maak.