Tommy Oliver. (Foto: Facebook)
Die Suid-Afrikaanse countrymusikant Tommy Oliver se stem is nou stil nadat hy Maandagoggend oorlede is.
Oliver se bestuurder, Angulique Legalize, het die nuus bevestig. Oliver was 72 jaar oud.
Die sanger het die afgelope paar jaar ʼn stryd teen kanker gevoer en het ten tyde van sy afsterwe in Dolphins Corner sorgsentrum in Pomona, Kempton Park gewoon.
Medelye het op sosiale media ingestroom vir die sanger, wat in 1973 bekendheid verwerf het vir sy debuutsnit “I wanna live”. Hy is ook bekend vir sy Afrikaanse treffer “100 jaar”.
“Dis met groot hartseer vanoggend dat ons verneem van nog ’n legende in countrymusiek, Tommy Oliver, se afsterwe. RIV Tommy. Jou pyn en lyding is nou verby. Sterkte aan Angie [sic],” het die Suid-Afrikaanse Countrymusiek-stigting op Facebook geskryf.
- Die berig is gewysig sedert plasing – Red.
RIV Tommy, jy sal altyd deur jou musiek voortleef. Innige simpatie met en sterkte aan sy geliefdes.
Soo jammer om te lees van Tommy se heengaan. Rus in vrede ou groote
Saluut RIV
RIV Tommy Oliver. Mag jy nou saam met al die gròòt legendes musiek maak en sing!
Dankie ou mater, Rus in Vrede
RIV Tommy. Nog ‘n wonderlike stem raak stil en SA is nog ‘n legende kwyt
Hy was die heel eerste plakkaat teen my muur as tienermeisie… met sy handtekening op!