SA man doodstraf opgelê in Maleisië

Deon Cornelius. Foto: Facebook

Deon Cornelius. Foto: Facebook

Deon Cornelius, ʼn veiligheidswag van Suid-Afrika, is Donderdag die doodstraf opgelê in Maleisië.

“Na amper twee jaar in Maleisië is my man vanoggend die doodstraf opgelê,” het sy vrou, Angie Ackermann, op Facebook gesê. “Dit is sy verjaarsdag vandag… ons vyfjarige dogter het vanoggend vir sy oproep gewag om hom geluk te wens met sy verjaarsdag.”

Cornelius is skuldig bevind aan dwelmhandel nadat hy op 4 Oktober 2013 met 1,949 kg metamfetamien (ook bekend as tik) by die Penang Internasionale-lughawe betrap is.

Volgens The Malay Mail Online het regter Datuk Nordin Hassan bevind dat Cornelius nie daarin kon slaag om die staat se saak in redelike twyfel te trek nie. Cornelius het uitdrukkingloos voorgekom toe Nordin beveel het dat hy gehang moet word.

Cornelius is gevonnis ingevolge artikel 39B (1) (a) van die Wet op Gevaarlike Dwelms van 1952 waarvolgens dit verpligtend is dat ʼn persoon wat skuldig bevind word, die doodstraf opgelê word.

“Ek mis jou… jy was veronderstel om huis toe te kom…. vandag is jou tweede verjaarsdag in Maleisië en dan is dit die nuus wat ons ontvang… ons is lief vir jou,” het Ackermann op Facebook gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

51 Kommentare

jongste oudste gewildste
Jan

Eerstens, dwelms verwoes mense se lewens. Tweedens, boontjie kry sy loontjie en derdens, dis wat ons land kort, baie strenger wetgewing en strawwe!

Bella

Mense, waarom oordeel julle so vinnig? Was julle daar? Weet elkeen van julle vir n feit dat hy skuldig is? Mag God met hom wees!

Christiano

Als is moontlik in die here daar kan n wonderwerk gebeur in Deon se saak…mense oordeel maar ken skaars die rede hoekom hy gedoen het wat hy gedoen het nie…mag die here an hom dink…hoekom se jille nie Zuma moet doodstraf kry wat die land se geld so vreet nie.

Magaretha van Heerden

Voel so jammer vir die desperate arm Suid Afrikaners. Die lewe is nie maklik nie en alhoewel dit verkeerd was wil ek hom nie veroordeel nie. Wat het hom tot dit gedryf? Veiligheidsmense kry bitter min geld om van te lewe.

isak

Mense sal enige iets doen om vir hulle kinders te sorg,nie almal is ryk of kan n ordentelike lewe lei nie so my meegevoel is daar vir deon en sy famielie!!