SA steeds ‘veilig vir toeriste’

Argieffoto

Die minister van toerisme het besoekers Vrydag verseker dat dit veilig is om na Suid-Afrika te reis en dat hulle veiligheid die hoogste prioriteit vir die regering is.

“Ondanks die enkele voorvalle wat Suid-Afrika in ʼn negatiewe lig stel, bly ons land ʼn voorkeurbestemming vir troues, wittebrood, leefstyl-, musiek- en kulturele byeenkomste, asook vir die rolprentbedryf wat beduidende getalle besoekers lok,” het Mmamoloko Kubayi-Ngubane gesê.

Die afgelope week is nóg twee verdagtes in hegtenis geneem in verband met die moord op ʼn Oekraïense toeris wat in die Moederstad doodgesteek is.

Die 43-jarige stapper, Ivan Ivanov, is van sy rugsak beroof en naby die Oosfort, ʼn gewilde toeristebestemming by Chapmanspiek in Houtbaai, vermoor.

Daar was onlangs ook berigte van toeriste wat vanaf die OR Tambo Internasionale Lughawe in Gauteng agtervolg en beroof is.

Kubayi-Ngubane het gesê wetstoepassingsagentskappe in Suid-Afrika laat geen steen onaangeroer in dié ondersoeke nie.

“Wat betref die onlangse voorvalle, is ons tevrede dat die polisie die vermeende oortreders spoedig aangekeer het. Die departement is ook besig om ʼn veiligheidstrategie af te handel wat binne die volgende paar weke bekend gestel gaan word,” het sy gesê.

Die plan is vroeër in die begrotingsrede in Junie aangekondig.

“Ons doen ʼn beroep op gemeenskappe om diegene wat ons land negatief wil uitbeeld, eenkant toe te skuif en enige verdagte bedrywighede aan te meld. Wanneer toeriste die land besoek, dra hulle by tot ons ekonomie en werkskepping. Daarom moet ons te alle tye verseker dat hulle ʼn eg Suid-Afrikaanse ervaring het en welkom hier voel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

69 Kommentare

jongste oudste gewildste
T-man

Hahaha ja dit is veilig in SA, die weermag is ontplooi in die Kaap vir bendegeweld… Johannesburg en Pretoria het die afgelope week gebrand en die “wetstoepassingagentskappe” waarvan die edele Minister praat is te bang om enigeiets te doen en ontrrek selfs van die situasie af… dan hoop hulle met hulle kaste “veroordeling” van geweld dat die situasie gaan vebeter… ek wonder wanneer gaan hulle oogklappe afval…

Pieter

Shame die minister droom lekker. Wys jou net hoe lieg die ANC vir die buitelnad. Maar gelukkig sien hulle wat aangaan. Was verlede week by n dokter hier in Pole. Hy vra my waar kom ek vandaan ek se SA. Wat is sy antwoord aan my. DAAR WAAR HULLE DIE BOERE EN MENSE SO DOODMAAK. HY SAL NOOIT SA BESOEK NIE.

A Klaassen

Jip. Die regering gaan nie keer dat mense beroof en gemoor word nie. Maar hulle sal hulle absolute bes probeer om die skuldiges vas te trek. Wat ‘n troos is dit nie.

Buffel

Ja ja wat ‘n grap. Helhool van misdaad en moordsyfers hoer as ‘n oorlogszone…..maar dis mos Mzansi….vervloekte land vanaf ’94.

Johanna Botha

Ja sure met 57 moorde n dag en 106 verkragtings … dink die mense ons is onnosel ! Die polisie hardloop dan weg !