Die man se huis en sakeonderneming is aan die brand gesteek, glo deur inwoners. (Foto: SA Polisie)
ʼn Sakeman wat deur inwoners van GaRapitsi daarvan beskuldig is dat hy verantwoordelik is vir die moorde op ʼn jong paartjie van die gebied, se sakeondernemings, huis en ander besittings is Donderdag aan die brand gesteek.
Maroela Media het vroeër berig Nius Malatjie (21) en Lucia Malapane (18) se liggame is Dinsdagmiddag in hul huis aangetref. Hul buurman, wat ook Malatjie se werkgewer is, het gaan ondersoek instel nadat hy nie by die werk opgedaag het nie.
Hy het die paartjie dood in ʼn slaapkamer aangetref, terwyl hul eenjarige baba huilend by hulle in die vertrek gelê het.
“Na bewering het ʼn groep inwoners van die nedersetting die sakeman se winkel en een van sy voertuie aan die brand gesteek. Hulle is daarna na die huis, waar hulle dit afgebrand het. Hoenders, bokke en varke is doodgemaak voor die verdagtes van die toneel gevlug het,” het brig. Motlafela Mojapelo, polisiewoordvoerder in Limpopo, gesê.
Selfs hoenders, bokke en varke is in die aanval doodgemaak. (Foto: SA Polisie)
Alles in die huis is verwoes.
Dit is nie duidelik waarom die sakeman van die moorde verdink is nie.
Lt.genl. Nneke Ledwaba, polisiehoof in Limpopo, het die boendoegeregtigheid veroordeel en inwoners gemaan om nie die reg in eie hande te neem nie.
Ledwaba het ook ʼn beroep op inwoners met inligting oor die voorval gedoen om na vore te kom. ʼn Saak van brandstigting en opsetlike saakbeskadiging is aanhangig gemaak.
Die gemeeskappe weet gewoonlik meer as die polisie van ou Hatter. En hulle weet niks gaan gebeur met die moordenaar nie
Die wilde weste…..
Nee kyk, ek dink ons moet maar gaan kers opsteek by die mense. Maak net seker jy het wel die skuldige persoon. Mens wil nou nie onskuldige mense te na kom nie
Mag ons dit doen nee en ons sal ook nooit.
Geen probleem dat hul reg in eie hande geneem het nie, geen arrestasie of hoe haa nie
Sulke primatiewe gedrag, selfs die arme diere moet ook boet, hoop nie ons daal ook tot op daardie vlak nie.
Snaaks dat as die rigtingwyser van GEREG en WET – NIKS MET RASSISME uit te waai NIE – in die ander rigting dui dan word hulle ‘gemaan’. Laat dit een bakkie is wat spontaan aan die brand geslaan het word arrestasies deurgevoer en hofsake en alle Boere word per sosiale media oor die vingers getik en beledig en name genome. DUBBELE STANDAARDE – bewyse! #ErnstRoets #Afriforum
Ja as jy wit is is dit terrorisme, anders is dit aanvaarbaar steek aan die brand breek af
Ramaphosa maak jou oë oop. Jy sit met ‘n mislukte staat. Daar het niks van jou leë beloftes gekom nie.
Hoe meer daar inligting ten vore kom oor korrupsie in die Zuma, hoe meer maak mense soos hulle nou doen. Hoekom? Kommissie op kommissie van ondersoek , wat miljoene Rande kos, lewer geen arrestasies en skuldigbevindings op nie.
Die onbeholpe SAPD (uitgesonderd die handjievol wat pligsgetrou hulle werk doen) kan nie die wet toepas nie. Meeste van die lot wat uit die polisie akademie uitkom is sulke verpiepte klein nikswerd mannetjies en vroutjies. Meeste van hulle kan nie eers ‘n verkoue vang nie.
VF+ vra in die volgende vraag en antwoord sessie vir Bheki Cele hoeveel kriminele sake is aangemeld en hoeveel is opgelos ?
G’n wonder dat ‘ bundu justice ‘ alhoemeer plaasvind nie.