Sassa kry tussentydse hoof

Bathabile Dlamini, minister van maatskaplike ontwikkeling (Foto: ANA)

Bathabile Dlamini, minister van maatskaplike ontwikkeling, het ʼn tussentydse uitvoerende hoof vir die Suid-Afrikaanse agentskap vir maatskaplike sekerheid (Sassa) aangestel.

Phearl Bhengu vervang Thokozani Magwaza nadat sy kontrak vroeër vandeesweek gekanselleer is.

Bhengu dien sedert 2012 as Sassa se streeksbestuurder in KwaZulu-Natal.

Die departement het in ʼn verklaring gesê Dlamini het Woensdag met Sassa-personeel vergader om hulle in kennis te stel van die aanstelling.

“Die minister het gesê die tussentydse uitvoerende hoof se eerste prioriteit is om stabiliteit in Sassa te bring en ook te verseker dat Sassa fokus op sy konstitusionele mandaat om maatskaplike toelaes te administreer en te betaal,” lui die verklaring.

Die departement het Maandag in ʼn verklaring gesê Dlamini en Magwaza het ooreengekom om sy dienste te kanselleer ná ʼn konsultatiewe proses deur die hoof van regsdienste, adv. Nkosinathi Dladla. Lees meer hier.

Magwaza en Dlamini het gereeld kop gestamp oor hoe die toelaag-debakel hanteer is en Magwaza was glo besig om met die poskantoor te onderhandel om toelaes daar te laat uitbetaal toe hy Maandag die trekpas gekry het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Rasper ·

Lagwekkend die dop dink sy is die peanut…..of is dit nou anders om…..hahahaha

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.