Senekal: Boer vas ná geweld buite hof

Duisende mense het opgeruk na die Senekal-landdroshof.

ʼn Vrystaatse boer is in hegtenis geneem in verband met die geweld wat gister buite die landdroshof in Senekal uitgebreek het.

Duisende mense het na die hof opgeruk waar die 21-jarige Brendin Horner, ʼn plaasbestuurder, se twee vermeende moordenaars in die hof verskyn het. Horner se liggaam is Donderdag op ʼn plaas in die Paul Roux-omgewing gevind.

Sekwetje Mahlamba en Sekola Matlaletsa is kort daarna in verband met die moord in hegtenis geneem en het Dinsdag vlugtig in die hof verskyn.

Gemoedere het egter begin oorkook en ʼn polisievoertuig buite die hof is onder meer aan die brand gesteek. Die oproer is intussen wyd veroordeel.

Brig. Motantsi Makhele, Vrystaatse polisiewoordvoerder, het gesê ʼn senior offisier is ná die oproer aangewys om ʼn span te lei om die “uitbarsting van geweld” te ondersoek en diegene daarvoor verantwoordelik aan die pen te laat ry.

“Die span het die werk voortgesit om diegene verantwoordelik vir sulke oproerige gedrag te identifiseer en dit het gelei tot die inhegtenisneming van ʼn 52-jarige man wat ʼn boer in Marquard is, maar in Senekal woon,” het Makhele gesê.

Die boer word van opsetlike saakbeskadiging en openbare geweld beskuldig. Hy verskyn volgens Makhele binnekort in die Senekal-landdroshof.

Die ondersoek duur voort en nog inhegtenisnemings gaan volgens die polisie binnekort volg.

Lt.genl. Baile Motswenyane, Vrystaatse polisiehoof, het die ondersoekspan vir hul vinnige optrede geloof.

“Ons glo dat voortgesette verhoudings tussen die polisie en boere, asook boeregemeenskappe, gaan help om dié saak op te los en te verseker dat geregtigheid geskied,” het Motswenyane gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Pieter

Hoeveel EFF lede het julle gearesteer julle ANC kommuniste gaan ons boere nie bang maak nie nog minder cele met sy groot bek

Gerhard

Hoekom…………….wat het die Polisie gedoen gedurende die Coligny verhoor waar swart mense die hele dorp aan die brand gesteek het, was daar enigsins enige arrestasies gemaak? Ek is rooiwarm kwaad nou…

groenboer

Ek wonder wanneer gaan enige van die EFF se lede op dieselfde klagte in hegtenis geneem word…

In ieder geval, ek weet nie eintlik waarom die boere daar saamgetrek het nie. Dit gaan geen effek hê op die uitslag van die hofsaak, of op plaasmoorde in die algemeen nie. Wanneer die saak voortgaan, moet hulle dalk almal wegbly, dan daag die EFF se “grondmagte” verniet daar op, en dan laat dit hulle boonop lyk asof hulle moordenaars ondersteun…

Nie Verbaas

ANC grap, kyk op video wie het voertuig aan die brand gesteek. Narre. Wat van polisie se lede wat n skokgrenaat gegooi het tussen mense wat op pad na hul motors was na alles? Dan jaag die narre nog weg in n kasper. Lagwekkend

Persheks Adri

Wens julle tree so vinnig op met plaasmoorde, maar nee julle is mos te sleg! Die enigste geregtigheid is om daai moordenaars te laat sit.

Jy krap ne Cele jy krap en waar was jy huh? Groot bek! Tsek man tsek!