Foto: Twitter
Altesaam ses mense is Woensdagaand dood nadat ’n vragmotor in nagenoeg vyf motors en ’n groep voetgangers ingeploeg het in Mokopane (Potgietersrus) in Limpopo.
Volgens die provinsiale departement van verkeer en gemeenskapsveiligheid het die voorval by die kruising van Thabo Mbeki- en Retiefstraat plaasgevind.
Die bestuurder van die vragmotor het glo óf versuim om betyds rem aan te slaan óf die vragmotor se remme het moontlik onklaar geraak voor dit in vyf motors en ’n groep voetgangers ingeploeg het.
Foto: Twitter
Die vragmotor het hierna in ’n banktak ingeploeg en van die motors en die gebou het aan die brand geraak.
Die vragmotorbestuurder en ’n passasier is in die voorval dood sowel as vier voetgangers. ’n Motoris het kritieke beserings opgedoen en is na ’n hospitaal gehaas vir mediese behandeling.
Mavhungu Lerule-Ramakhanya, LUR vir vervoer en gemeenskapsveiligheid, het haar medelye met die oorledenes se families betuig. Sy het ook haar kommer oor die aantal noodlottige ongelukke uitgespreek.
-
- Foto: Twitter
-
- Foto: Twitter
Selfmoordbommers dalk?
Waarvan praat jy Sarel?
Ai tog, lees tog die artikel
Wat rook jy Sarel?
Hahaha….moes lag, vir bogenoemde kommentaar, jammer.
My simpatie aan die betrokke families, baie tragies
“Sy het ook haar kommer oor die aantal noodlottige ongelukke uitgespreek”. Maar wat DOEN julle anders as om te praat?
Vragmotors behoort nie deur dorpies te ry nie, hul behoort op die snelweg waar hul moet betaal .
@Miskruier – Ek woon in Potties en ongelukkig is daar nie ñ snelweg om Potties nie en loop die N1 deur Potties. Thabo Mbeki is die dorpie se hoofstraat en hy gaan deur die dorp wat dan die N1 is wat Pretoria toe gaan.
Jy verwys na R101. Die N1 loop oos van Potgietersrus verby tussen Pta en Pietersburg.
Volgens my is DEUR Potgietersrus (R101) die alternatiewe roete vanaf die N1 snelweg wat VERBY Potgietersrus loop…of is ek verkeerd. Gebruik gereeld die N1 snelweg Pietersburg toe en dit loop beslis nie DEUR Potgietersrus nie.
Miskruier kry jy jou kos op die tafel op die snelweg of in jou dorp se winkel?
Ek woon aan die R101, duisende vragmotors verlaat die N1 om die Kranskop tolplasa te vermy. Elke nag slaap daar to 30 trokke in die hoofstraat, die randstene is stukkend getrap, die straat is sommer die toilet, die straatvroue staan en wag vir besigheid. VRAGMOTORS WAT NIE IETS OP OF AF TE LAAI HET NIE, HOORT OP DIE SNELWEG.
Ons is ok mense ons waar moet ons kos en veilige slaap plek lry as daar nie plek is op die n 1 nie .mense is vinnig om ons te mik maar as ons nie 24uur 7dae n week ry nie het j nir kps pf kleure of ndak oor jou kop of n kar of brad stof om werk toe tegaan nie so jou op om op ons vragmoters te mik en waardeer dit wat j het asb.
Rickus, ek stem met jou saam. Daar is vragmotor bestuurders wat liewers nie op die paaie hoort nie, maar daar is ook diegene wat by padreëls en regulasies hou en versigtig ry. Baie van die sogenaamde “vragmotor ongelukke” word deur ongeduldige motorbestuurders veroorsaak omdat hulle nie kan wag totdat dit veilig is om ander voertuie verby te steek nie. Die vinger word te maklik na die vragmotorbestuurder gewys. Hierdie is julle brood en botter en net soos wat ek wil veilig wees so wil julle ook. Dankie vir die drywers wat veilig bestuur en produkte aanry, wie anders sou dit doen. ‘n Vriend van ons is ook ‘n vragmotorbestuurder en daarom weet ek watter ondankbare werk dit is. Die salarisse is nie van die beste, dis lang ure en julle is soms dae weg van jul familie af. Ek salueer mense soos jy! Stay safe!
Ek bly ook in Potties, en as jy sien teen watter spoed die trokke deur die dorp jaag sal jy verbaas wees dat daar nie baie meer ongelukke in die hoof straat is nie
Nou wonder ek hoe sal aflewerings by winkels geskied as jy redeneer dat vragmotors nie deur dorpies moet ry nie???????
Volgens Police Trafficing Limpopo se berig wat op fb S A Truckers gedeel is het die trokdrywer uitgeswaai vir ‘n aankomende voertuig en toe beheer verloor oor die trok.
Christina daai is beslis gevaarlik as die trokdrywer uitswaai want hy verloor helemal beheer oor sy trok helemal. Dis asof hulle nie in daai oomblik weet wat om te doen nie en die gewig van die trok is ook dan baie gevaarlik want hy val dadelik om as daar nie beheer uitgeoefen nie. So so hartseer.