Ses jaar tronk toe oor R200

Argieffoto

ʼn Voormalige verkeersbeampte van Limpopo is tot ses jaar tronkstraf gevonnis op aanklag van korrupsie.

Rodney Dakalo Ramusia (29) is in die Mokopane-landdroshof gevonnis nadat hy omkoopgeld van R200 aanvaar het, het kapt. Matimba Maluleke, woordvoerder van die Valke, gesê.

Ramusia en ʼn kollega het in Mei verlede jaar  ʼn voertuig van die Valke buite Naboomspruit voorgekeer en op omkoopgeld aangedring ten einde nie ʼn verkeerskaartjie uit te skryf nie. “Hulle was nie bewus dat dit lede van die Valke in die voertuig was nie en albei is onmiddellik in hegtenis geneem nadat hulle die omkoopgeld aanvaar het.”

Volgens Maluleke is Ramusia en die kollega op borgtog van R1 000 vrygelaat. Tydens die verhoor is die klagte teen Ramusia se kollega teruggetrek.

Ramusia is tot ses jaar direkte tronkstraf gevonnis sonder die opsie van ʼn boete.

Genl.maj. Thobeka Jozi, hoof van die Valke in Limpopo, het die vonnis verwelkom.

“Ons sal voortgaan om die regering se beleid van geen verdraagsaamheid te steun ten einde ongeregtigheid en onwettigheid uit te roei. Ons wil graag diegene wat van die publiek steel waarsku dat die lang arm van die gereg hulle sal inhaal,” het sy gesê.

“Die Valke sal voortgaan om regeringsinstellings sowel as die private sektor te reinig en ʼn kultuur van integriteit te herstel. Ons doen ook ʼn beroep op landsburgers om te alle tye waaksaam te wees en hierdie onwettige dade aan te meld.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Jean

Ja nee, die opskrif is lekker misleidend.
Tronk to oor korrupsie, nie net R200 nie.

Thys

Ai hoe lekker kry ek nou, daar trap di muis in sy eie slagyster, gedink hy was “cool” en net di kat se snor, ha ha ha ha ha kry vir jou

Willie

Hy het nie net R200 gevat nie. Hy is maarnet gevang met R200. Lekker kry vir jou jou van ons.

Anoniem

Konsekwent WEES op alle Landsburgers ASB !

Sandra

Alles goed en wel hy sit agter tralies, maar hulle trek salaris wyl hulle sit!