Molefe Msweli (41) het Dinsdag in die Palm Ridge-handelsmisdaadhof verskyn op aanklagte van bedrog oor sy wyle pa se boedel.
Kapt. Ndivhuwo Mulamu, woordvoerder van die direktoraat vir prioriteitsmisdaadondersoeke (die Valke), het gesê Msweli het na bewering vervalste dokumente by die meester van die hooggeregshof in Gauteng ingedien as enigste begunstigde. ʼn Eksekuteursbrief is uitgereik vir die boedel ter waarde van sowat R14 miljoen.
“Die Valke in Johannesburg het dadelik ondersoek ingestel ná die meester van die hooggeregshof agterdogtig was oor die testament wat Msweli verlede jaar in Junie ingedien het, net twee maande ná sy pa se afsterwe.”
Verdere ondersoek het onthul dat Msweli meer as R14 miljoen se vaste eiendom en versekeringspolisse geëis het.
“Msweli het hom aan die Valke in Johannesburg oorgegee, vergesel deur sy prokureur. Hy is van bedrog aangekla.”
Die hof het hom vrygelaat op borgtog van R2 000 en die saak is tot 22 September uitgestel vir verdere ondersoek.
r2000 borg vir r14mil, dis nie te sleg nie, weereens ‘n bewys van wie kry voordele in die “land”
Borgberag is 0,01%, belaglik, om bedrog te pleeg begin n lonende opsie word.
Begeerte na Geld kan n man se kop deurmekaar maak. Daai begeerte wat mens dryf na kwaad.
Genade! Lyk my BEDROG UITDINK /PLEEG is ‘n nuwe beroep wat tans hoë aanklank vind
Gierigheid kan mens in groot moeilikheid (mens spel dit net ietwat anders) laat beland ,