Skok oor vier in N1-ongeluk sterf; 15 beseer

Die ongelukstoneel. (Foto: Itumeleng English/ANA)

Die Gautengse LUR vir vervoer en paaie het sy skok uitgespreek oor die grusame ongeluk op die M1 Noord in Johannesburg wat Donderdagoggend die lewe van vier padgebruikers geëis en 15 ander beseer gelaat het.

LUR Jacob Mamabolo het dié uitsprake gemaak by die gedenkdiens vir die tien mense wat verlede week in ʼn ander tragiese ongeluk op die N1 dood is. Volgens die LUR is enige sterfte een sterfte te veel.

“Ons gedagtes en gebede is by die families van die oorledenes in hul tyd van rou en ons wens die beseerdes ʼn spoedige herstel toe. Ons wil weer eens alle bestuurders aanmoedig om altyd baie versigtig op die paaie te wees en verkeersreëls te gehoorsaam,” het Mamabolo gesê.

Die ongelukstoneel. (Foto: Itumeleng English/ANA)

Die jongste ongeluk het gister omstreeks 07:30 gebeur toe ʼn minibustaxi in verskeie voertuie op die M1 Noord naby die Xavier-afrit vasgejaag het. Die taxi het uiteindelik tot stilstand gekom toe dit van agter teen ʼn stilstaande bus gebots het.

Die liggame van die oorledenes het byna drie uur lank bedek langs die pad gelê terwyl owerhede op die toneel besig was.

Hoofsupt. Wayne Minnaar, woordvoerder van die Johannesburgse Metropolisie (JMPD), het gesê al die oorledenes was in die minibustaxi. Nog 15 mense is beseer en na verskillende hospitale geneem.

ʼn Man op die toneel het gesê hy is die taxibestuurder se broer. “Ek het hierheen gekom nadat ek ʼn oproep ontvang het, maar die owerhede het vir my gesê die bestuurder is in die hospitaal.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Jan

Dit is tragies en alle simpatie aan die naasbestaandes. Ek wil net ook byvoeg hier is ‘n kultuur in die land van reels breek – party reels kan jy egter nie breek nie, die wette van die natuur (spoed = momentum, swak bande = swak padhou vermoe) en instandhouding reels (werk die remme, diens die voertuig ens.) en verkeersreels (moenie op sperstrepe verby steek ens. )kan jy nie breek sonder nagevolge nie. Dit geld vir almal.

JDeer

Jy mag soos jou [email protected] ry en mense se dood veroorsaak maar moet net nie die ou vlag waai nie want dan het jy GrOOt moeilikheid!

Theresa

Ek kon dit nie beter gestel het nie JDeer. Daar moet drasties iets aan hierdie taxi bestuurders gedoen word, maar glo my – niks gaan gebeur nie, want hulle mag mos doen net wat hulle wil. Hier by ons geld GEEN rooi lig vir hulle nie, geen randsteen, geel strepe, sypaadjie of middelman beteken iets nie.

Pieter

Skok war se skok mnr die menister dit is aller daags op ons paaie hulle ry nes hulle wil dalk moet jy jou kar met sy blou ligte en best los dan ry jy bietjie taxi

lanie

Hoe kry die mense hulle lisensies?