Skolier met vuurwapen by skool betrap

(Foto verskaf deur SAPD Oos-Kaap)

Polisiebeamptes van Bethelsdorp in die Oos-Kaap het Maandag omstreeks 12:00 dadelik reageer op inligting dat ʼn skolier moontlik in besit is van ʼn vuurwapen.

“Toe hulle by die skool in Bethelsdorp aankom, is beamptes na die betrokke klaskamer geneem,” het kol. Priscilla Naidu, woordvoerder van die polisie, gesê. “Toe hulle die aard van hul besoek aan die leerders verduidelik, het ʼn 18-jarige graad 11-leerling ʼn beampte genader en aangedui hy het iets in sy skooltas.”

Die skolier en die skooltas is uit die klaskamer verwyder. “Toe hulle die tas in sy teenwoordigheid deursoek, het beamptes op ʼn .38-rewolwer met een patroon afgekom. Die reeksnommer van die vuurwapen is verwyder.”

Die tiener is in hegtenis geneem op aanklag van die onwettige besit van ʼn vuurwapen en ammunisie. Hy sal na verwagting binnekort in die hof verskyn.

Brig. Thandiswe Kupiso, waarnemende bevelvoerder, het die beamptes geloof vir hul vinnige reaksie. “Geweld in of naby ons skole het ʼn baie negatiewe impak op die opleiding van skoliere en dit is baie belangrik om ons skoliere te beskerm. Ons waardeer die inligting en doen ʼn beroep op die gemeenskap om nooit te huiwer om die polisie met enige inligting te kontak nie – maak nie saak hoe gering dit mag voorkom nie. Jou oproep kan ʼn lewe red.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Phillip

Net in SA sal so iets gebuur wat van die ouers moet dan ook betrek word by die klag waar sal hy hom kry baie mafieja bende ??

Frank

Ten minste trek die oom al by graad 11…

Nie Verbaas

In die goeie ou dae het ons nooit die probleem gehad nie. Maak mens wonder wat het ” verander”

Alet

Hy moet sommer toegesluit word en die sleutel weggegooi word. Almal gan nou weer begin met oe en aa en shame sy omstandigheded. Twak man is omdat alles in die land “verskoon” word dat hier soveel geweld en misdaad is. Smoor dit in die kiem. Hoe jonger hoe langer en swaarder die strawwe. Dan is die kanse kleiner dat dieselfde kind jou kind oor twee jaar kan doodskiet.

Blou oog

BOU AAN DIE KONINKRYK VAN GOD Goeie more aan almal Ek vra dat jul asb hierdie sal lees tot die einde toe, Die Here het vanoggend soos elke ander dag getrou my wakker gemaak terwyl ek al reeds in gesprek (gebed) is met die Vader, en die Gedeelte waaroor alles gegaan het was die volgende BOU DIE KONINKRYK VAN GOD Nou baie sal vra  hoe nou, wel ek ook! Maar terwyl ek so ingebed is praat die Here met my en letterlik deur die Heilige Gees kry ek die presiese OPDRAG as ek dit so kan noem, ek weet nie… Lees meer »