ʼn 19-jarige seun van Kimberley Boys’ High is Sondagaand in Verwoerdpark doodgeskiet.
Amogelang Refentse Assegai was ʼn matriekleerling aan dié skool.
Kapt. Tessa Jansen, woordvoerder van die polisie, sê beamptes is omstreeks 20:00 na die toneel in Impalaweg ontbied.
“Die 19-jarige het in die straat gelê. Paramedici het die tiener op die toneel dood verklaar, maar kon nie die oorsaak van sy afsterwe bevestig nie, omdat daar met die eerste oogopslag nie enige beserings aan sy liggaam was nie.”
ʼn Nadoodse ondersoek is gedoen en daar is bepaal dat hy geskiet is.
“Die polisie het ʼn saak van moord ondersoek en ʼn 48-jarige man is in hegtenis geneem. Hy sal binnekort in die hof verskyn.”
Assegai is na bewering geskiet toe die verdagte verby hom gery en ʼn skoot afgevuur het.
Die skool het sy innige meegevoel betuig met die leerders en skoolgemeenskap. “Ons dink aan en bid vir die Assegai-familie.”
*Die berig is bygewerk sedert dit aanvanklik gepubliseer is. -Red
Ai Vader….
Motief?
Sinloos…
Hoe kan jy iemand net so in die verbygaan skiet? Sinloos en moordadig. Die land het skietmal geword.
Hy was dalk verkeerde tyd op die verkeerde plek. Bende geweld.
Wonder wie is die seun se ouers dalk n boodskap.Politiek of stilmaak.
paramedici kan nie sien die oorledene is geskiet nie ??
Het ek ook gewonder.
Hoe bitter jammer, so voor sy eindeksamen. Sinneloos. Hierdie land is net boos van top tot tone.
Mens se lewe is NIKS werd in die HOOL nie