Só beslis hof oor Caster

Caster Semenya van Suid-Afrika (voor) (Foto: Tobias Ginsberg/ANA)

Die Internasionale Hof vir Sportarbitrasie (CAS) het Woensdag Caster Semenya se saak teen die nuwe reëls van die Internasionale Vereniging vir Atletiekfederasies (IAAF) oor testosteroonvlakke in die liggaam afgekeur.

Semenya is ʼn paar jaar gelede deur dieselfde omstredenheid in die gesig gestaar en het in daardie stadium haar saak gewen. Sy het ʼn span kenners gehad wat die IAAF se reëls gedaag het.

Die internasionale atletiekliggaam probeer “hiperandrogene atlete” en persone met “verskille in seksuele ontwikkeling” dwing om behandeling te ontvang om hul testosteroonvlakke te verlaag tot ʼn voorgeskrewe getal as hulle steeds as vroue wil deelneem.

Die IAAF hou vol dat dié reëls nodig is om ʼn gelyke speelvlak vir ander vroue atlete te verseker.

Semenya is ʼn dubbele Olimpiese kampioen en het wêreldwyd simpatie ontvang vir haar saak. Sy is die afgelope 10 jaar die dominante figuur op die atletiekbaan, spesifiek in die 800 m vir vroue.

Sy het besluit om haar saak na die CAS te neem en die hof sou al in Maart ʼn besluit geneem het, maar albei partye het bykomende dokumente ingedien en die saak is uitgestel.

Haar prokureurs het gesê die IAAF meng in met natuurlike genetiese afwykings van normale vroue atlete.

Onder die voorgestelde nuwe reëls moet die betrokke atlete hul bloedtestosteroonvlakke vir ses maande lank tot minder as 5 nmol/L laat daal voor hulle na die atletiekbaan mag terugkeer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

79 Kommentare

jongste oudste gewildste
TN

Dankie tog !

jaco

Waarom is die hormoonbehandelde atlete van kommunistiese lande dan altyd uitgelos?

Anoniem

Bid vir Jou, Caster ! ???

Kasper

Baie goeie nuus, as jy wil deelneem as ‘n vrou moet jou hormoon vlakke binne die riglyn telling wees, soos medies bepaal. Nou moet hulle hierdie ander sport soorte ook aanvat waar mans wat as vrouens identifiseer en deelneem, ook verbied. hoeveel keer nou al gebeur dit dat daai sogenaamde mans ‘n eerste plek losslaan in sekere sport soorte, net omdat hulle biologies sterker gebou is. Rerig onregverdig teenoor vroulikke sport strerre.

Henry

Uiteindelik!
Nou kan alle vroue vir medaljes en rekords vanaf ‘n gelyke beginpunt kompeteer.