Só lyk petrolprysverwagting

Argieffoto (Foto: Activ-Michoko, Pixabay)

Die Automobiel-Assosiasie (AA) het Maandag in ʼn verklaring gesê hoër internasionale brandstofpryse en ʼn swakker rand/dollar-wisselkoers verhoog die moontlikheid dat motoriste teen die einde van Julie duurder sal betaal vir brandstof.

Volgens die AA is dit gebaseer op prysdata wat deur die Sentrale Energiefonds (SEF) vrygestel is.

“Daar was ʼn geringe daling in die internasionale prys vir petrol, maar diesel en paraffien is duurder. Intussen het die rand se daling teenoor die Amerikaanse dollar ongeveer 17c per liter by die brandstofpryse gevoeg.

“Ons middel-van-die-maand-vooruitskatting is dus dat petrol na verwagting met 7c per liter sal verhoog, gebaseer op die huidige data, diesel met tot 22c en paraffien met 19c.”

Die AA het gesê internasionale petroleumprodukte was in Julie duurder en die wisselkoers swakker. Volgens die AA kan motoriste dalk selfs duurder betaal vir brandstof indien dié neiging voortduur.

“Motoriste moet bereid wees om teen die einde van die maand duurder te betaal vir brandstof.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Jenny Nel

Dit kon ons julle ook gese het….eers af dan weer op….

Swartkat

Swakker rand / doller wisselkoers en belangrik rommelstatus

Eksteen du Toit

Daai deuntjie van hulle is al moeg gesing. Sal graag self die syfers en statistiekke wil sien. Ons word n rat voor die oë gedraai.

Netso

Rommel Regering se verlof is verby nou gaan die prys op tot volgende skool vakansie!!!

Bettie

Daar is iets wat ek nie lekker verstaan nie- Botswana kry sy brandstof van SA maar is by die R3 goedkoper as hier in SA?