‘Spook-hospitaal’ gaan ‘selfde kos om te herbou’

Die Kempton Park-hospitaal. Foto: Emile Van Niekerk‎/Facebook

Die Gautengse departement van infrastruktuurontwikkeling meen dit gaan amper dieselfde kos om die Kempton Park-hospitaal oor te bou as wat dit gaan kos om dit op te gradeer.

Dit het onlangs aan die lig gekom dat R127 miljoen begroot is om die gebou te sloop. Die hospitaal staan sedert 1997 leeg en meer as R6 miljoen is tot einde verlede jaar bestee aan veiligheidsdienste by die hospitaal. Die hospitaal is bekend as ʼn speelgrond vir vandale en sogenaamde spookjagters.

Theo Nkonki, woordvoerder van die provinsiale departement van infrastruktuurontwikkeling, het gesê die moontlikheid om die hospitaal op te gradeer en weer oop te stel is ondersoek. Volgens hom sou dit R1,1 miljard kos om dit te doen terwyl dit sowat R1,3 miljard sal kos om ʼn nuwe hospitaal te bou. Dit sluit egter nie die koste van die sloping in nie.

Nkonki het gesê daar sal ʼn omgewingsimpakstudie gedoen word voordat die hospitaal gesloop word. Die departement beplan om die hospitaal in Januarie te begin sloop.

Refiloe Nt’sekhe, DA-LPW, het die R127 miljoen wat begroot is om die hospitaal te sloop as ʼn “absolute vermorsing van belastingbetalers se geld” beskryf.

Die Kempton Park-hospitaal. Foto: Sabrina Panaino‎/Facebook

“Die geld kon eerder gebruik geword het om die gesondheidsorgstelsel op te gradeer.” Nt’sekhe het gesê dit is in onaanvaarbaar dat daar toegelaat is dat die hospitaal agteruitgaan terwyl omliggende inwoners wat van staatshospitale afhanklik is gedwing word om die Tembisa-hospitaal te gebruik.

“Die hospitaal is gesluit omdat dit onderbenut is. Dit het sedertdien die prooi van vandale geword en meeste van die toerusting in die hospitaal is gesteel,” het Nt’sekhe gesê.

Nt’sekhe het gesê sy gaan opvolgvrae in die Gautengse wetgewer rig om vas te stel wat presies die nuwe planne vir die hospitaal is. Volgens haar is die Tembisa-hospitaal erg oorbevolk en is die nood vir nog ʼn hospitaal in die omgewing groot.

“Ons sal die sloopproses streng monitor sowel as die koste daaraan verbonde.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Die rede vir sluit

Ek dink die rede waarom die hospitaal so geheimsinnig net verlaat is is nie oor spoke en beslis nie oor onderbenutting nie. Ek dink superbugs soos weerstandbiedende staph aurius het hulself in die teater en hospitaalgange gevestig en die hospitaal kon nie daarvan ontslae raak nie.

CHANTELLE CONNOWAY

hoe is dit moontlik dat n hospitaal onbenut is, daar is n groot tekort aan n behoorlike hospitaal in die omgewing en ek bly in dieselfde straat as die hospitaal, dit is n vermorsing van geld en hoekom moet ons net heeltyd opdok, die hospitaal is onnodig gesluit, hoe kan dit soveel kos om te sloop, als is net so gelos, hoekom nie als wat in die hospitaal was skenk nie, nou moet als wegggegooi word, daar word geen waarde geheg nie als word net gemors en ek dink dit is n skande om die minste te se,

Gebruik hierdie Hospitaal weer as 'n Hospitaal

Hoekom het die owerhede hierdie hospital so wanbestuur dat dit in algehele verval geraak het?? Dit lyk vir my op die foto tog na ‘n groot moderne hospital (of eens op ‘n tyd miskien). Het die dokters en verpleegsters wat daar gewerk het net een oggend almal besluit om tuis te bly en is al die pasiente uitgeplaas sodat die hospitaal kan verval en beroof word??? Ag nee dit is ‘n geweldige vermosing van geld en ander noodsaaklike hulpbronne. Hoekom restoureer hulle nie eerder die hospital en gebruik hom weer nie?

Amelia

Slag ini gras. Iewers is n tender wat nie kan wag vir DIE sloping nie. Ek meen gaan verkoop alle staal in die hospitaal. Vensterrame en as daar dalk nog goed te oes is. Hou dai spasie dop.

Hospitaal (2)

Maar voordat hulle die hospitaal weer gebruik – vrolik asseblief tog net die plek ‘n bietjie op met blomtuine en bankies buite en so, en nie daardie kil neerdrukkende en creepy grys wat lyk asof iemand vir ‘n mense vanuit alle rigtings terugstaar nie! Die pasiente , dokters en vepleegsters en besoekers vir die pasiënte moet darem welkom voel. Miskien moet hulle daardie klein grillerige venstertjies ook bietjie vegroot om die son mildelik in te laat vir die arme pasiënte .