Swart boere hou optog na Uniegebou

Argieffoto: led.co.za

Argieffoto: led.co.za

Swart boere sal vandag ʼn optog na die Uniegebou in Pretoria hou in protes teen die stadige pas van grondhervorming.

Die African Farmers Association of South Africa (Afasa) het Maandag gesê grondhervorming in die land is ʼn tikkende tydbom. Aggrey Mahanjana, Afasa se sekretaris-generaal, het gesê tesame met onvoldoende ondersteuning aan boere ná grondverdeling en vestiging op plase, kan die stadige pas van grondhervorming uiteindelik tot ʼn potensiële voedselkrisis in Suid-Afrika lei.

Die optog sal deur Afasa en die National Emergent Red Meat Producers Organisation (Nerpo) vanaf Irene gelei word waar die twee organisasies Maandag ʼn gesamentlike jaarlikse kongres gehou het. Die boere sal onder meer trekkers en perde gebruik om tot by die Uniegebou te stap.

“Tydens hierdie historiese geleentheid, die eerste van sy soort, sal ongeveer 500 boere ʼn konvooi van plaasvoertuie, soos trekkers, vragmotors, perde en vierwielmotorfietse, gebruik om van die St George’s Hotel en Konferensiesentrum na die Uniegebou te stap om ʼn petisie, ʼn lys van eise en voorstelle vir grondhervorming en ondersteuning aan boere aan pres. [Jacob Zuma] te oorhandig,” het Mahanjana gesê.

Hy het gesê die boere het voorheen reeds pertinente kwessies wat kleinhoeweboere raak, bespreek en voorstelle aan die departement van landelike ontwikkeling en grondhervorming, asook die departement van landbou ingedien om grondhervorming te bespoedig en doeltreffende ondersteuning aan boere te lewer. Die boere is egter nie tevrede met die vordering wat deur die twee departemente in die verband gemaak is nie.

Hy het gesê die optog sal kwessies soos korttermyn-huurkontrakte op regeringsplase, die gebrek aan tittelaktes, hoë pryse van grond, plaasopsigters se kontrakte, die beskikbaarheid van grond en die stadige vordering van ondersteunings- en rampverligtingsprogramme beklemtoon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Johan

Hier kom dit nou…..#whitefarmersmustfall

Lance

En as hulle die grond het gaan sit hulle onder die boom en drink bier .. mos baie op tv gesien hoe prag plase wat kos produseer op n silver skinkbord weggegee word, net om te sien 2 jaar daarna is alles stukkend geplunder of verkoop …O ja en dis nooit hulle skuld want hulle het dan nie opleiding of geld van die staat gekry nie …net NOG n gemors !

Frederik

Hul gaan vragmotors, trekkers, perde & vierwielmotorfietse gebruik om te stap ?? My kop raas.

Basson

25% van die grond in SA behoort aan die staat:
http://www.politicsweb.co.za/opinion/how-much-of-sas-land-is-really-in-black-hands

Dalk moet hulle daar begin.

Blikkies

Pleks dat hulle die diesel wat hulle gaan mors om met hulle trekkers in die stad rond te ry, gebruik om in hierdie kritieke tye na die reëns te plant!