‘Swart-gesig-foto’: UP sê hy sal regverdig optree

Die foto wat op sosiale media versprei word

Die foto wat op sosiale media versprei word

Die Universiteit van Pretoria (UP) sê hy sal die voorval rakende twee vrouestudente wat met swart gesmeerde gesigte afgeneem is, op ‘n “regverdige en onpartydige wyse” hanteer.

“Mense en instellings het verskillende standpunte oor die saak uitgespreek. Die universiteit sal, soos dit ’n opvoedkundige instelling betaam, die saak op ’n regverdige en onpartydige wyse hanteer, met inagneming van die belange van al die betrokke partye,” het Nicolize Mulder, woordvoerder van UP, in ‘n verklaring gesê.

“Na afloop van ’n voorlopige ondersoek waarby insette van die betrokke studente bekom is, het die universiteit dit nodig geag om die saak ingevolge die ‘Tugbepalings: Studente’ te hanteer.

Daar is besluit om die betrokke studente tydelik uit hul koshuise te skors hangende ’n volledige dissiplinêre ondersoek. Die proses neem sy loop. Die betrokke studente is nog nie aan enige wangedrag skuldig bevind nie. Hulle is ook nie deelname aan hul akademiese programme geweier nie.”

Mulder sê die universiteit het weereens bevestig dat hy “onvoorwaardelik daartoe verbind is om die grondwetlike waardes van gelykheid en menswaardigheid, soos vervat in die Handves van Menseregte, te handhaaf”.

Lees ook:
AfriForum Jeug bevraagteken UP se optrede oor ‘swart-gesig-foto’
MRK ondersoek ook ‘swart-gesig-foto’
‘Swart-gesig-foto’: Studente uit koshuis geskors
Tugstappe teen studente oor ‘swart gesigte’

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
HEVW

Nicolize Mulder dit klink nogal heelwat beter en versigtiger as nou die dag. Lyk my jy begin n meer volwase perspektief kry.

Y Kruger

Nou wat het hul eintlik verkeerd gedoen??? Is dit omdat hul meer gutts gehad het as menige blanke wat nog net gese het jy moet jouself swart smeer om iewers te kom in hierdie land en sodoende ‘n gevoelige punt aangeraak het???

Trippie

Regverdig optree ? Indien dit waar is, vra hierdie twee studente onvoorwaardelik om verskoning en sorg dat hulle weer toegelaat word in die koshuis.

Eugene W Steyn

Ag shame UP, julle het julle neuse ingedruk waar dit nie hoort nie!!!!! So vinnig dat julle patetiese klomp oor julle eie voete geval het. Seker ook om punte te ‘score’ by julle kommunistiese baas Blade. Nou val dit julle eweskielik by van ‘regverdigheid’ en ‘onpartydigheid’. Sies! Ek is skaam om ‘n Tuks-Alumni te wees… Denkleiers????? Ha-ha!

SNEL

Dit bly n privaat funksie, ek sou nie eers geweet het hul behoort aan die UP nie, dis belaglik. Die UP is besig om n onskuldige ding erg uitverband te ruk, dis n gewone dress-up. Wat het geword van pret en plesier, die lewe is klaar so vrot en vol geweld. Daar staan nie drank rond en elkeen met n zol in die hand nie, dis ordentlike opgevoede meisies wat net onskuldige pret gehad het. Los hul en laat hul leef en hul lewe geniet.