TLU bekommerd oor staat se planne met pensioengeld

geld spaar spaarvarkie pensioen

Argieffoto (Foto: Stevepb, Pixabay)

Die landbouorganisasie TLU SA sê hy is uiters bekommerd oor uitsprake deur regeringslui waar hulle voorspraak maak om Suid-Afrika se pensioenkapitaal aan te wend vir sogenaamde belegging in vaste bates.

Ebrahim Patel, minister van handel, nywerheid en ekonomiese ontwikkeling, het Maandag gesê pensioenfondse het ʼn rol in die ontwikkeling van Suid-Afrika te speel, deur hulle beleggings in vaste bates.

Patel was die hoofspreker by die Suid-Afrikaanse bedryfsliggaam vir aftreefondse, Batseta, se pas afgelope konferensie in Johannesburg.

“Die regering se beleggingsveldtog kyk nie net na direkte investering van die buiteland nie, maar soek ook dringend na plaaslike beleggings om ekonomiese groei te stimuleer,” het Patel gesê.

Hy het opgemerk dat die algehele bates van pensioenfondse in Suid-Afrika tans sowat R4,2 biljoen (“trillion”) beloop. Dit was volgens die 2017-jaarverslag van die registrateur van pensioenfondse wat ook aangedui het dat die staatsamptenare se pensioenfonds (GEPF) 40% van die algehele bedrag uitmaak.

“Die grootte van die uittreefondse beteken dit kan ʼn reuse-invloed op die nasionale ekonomie hê,” het Patel gesê.

Die Suid-Afrikaanse Instituut vir Rasseverhoudinge (SAIVR) het reeds ten sterkste kapsie gemaak teen die regering se planne om voorgeskrewe bates vir pensioenfondse in te stel.

Kobus Oberholster, hoof van TLU SA se finansiële welstandslessenaar, het Vrydag ook gesê Suid-Afrika se reserwes, asook die belastingbetalende burgers se vermoë om die onverantwoordelike en roekelose verkwisting van geld deur die regering en munisipaliteite te finansier, is uitgeput.

Die organisasie sê dit los twee bates: grond en pensioene.

“Ons kan nie stilsit en toelaat dat ons mense se swaarverdiende pensioen, wat oor dekades opgebou is, ook nou in die bodemlose putte genaamd Eskom, SAL, Prasa, Denel en andere gestort word nie,” het Oberholster gesê.

“Oor ʼn tydperk van 25 jaar is die staatsinstellings deur die ANC-kaders gebring tot waar dit vandag is. Geen buitelandse of plaaslike pensioenkapitaal gaan nou skielik veroorsaak dat hierdie entiteite in ekonomiese suksesverhale verander nie.

“Ons is oortuig dat die enigste uitkoms van so ʼn aanwending van pensioenkapitaal ʼn onmiddellike vernietiging van welvaart teweeg sal bring.”

TLU sê hy gaan sy lede help om met behoorlike beplanning verliese en skade te beperk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
HPV

So hulle wil dit ook begin plunder, dit is in elk geval al wat nog nie geplunder is nie. Mens moet seker nie verbaas wees nie.

Boer

Dit is NAG, Nella.
Maar nog steeds hoor ek blankes wat sê hulle glo ou CR gaan dinge om draai…. ????

Andreas

Hierdie land is krisis verby, die regering het nie meer geld nie, die ganse privaatsektor in elke dorp en stad behoort ‘n week lank te betoog teen ‘n onbevoegde regering. Waar is al die beleggings wat Cyril en “die manne” oorsee gaan beding het en waaroor hulle van die suksesse so “gebrag” het, daardie miljarde der miljarde? Cyril en al sy ministers behoort voor die hof gedaag te word omdat hulle die land versaak. Die een kader is so onbevoeg soos die ander en is dronk aan hul ideologie. Kyk hoe lyk die rentekoerse, gaats, kan mens dit nog so… Lees meer »

Nita

Neeeee! Mnr Patel hou julle hande van pensioenfondse af. Die geld behoort aan hardwerkende mense wat deel van hulle salarisse daarop inbetaal het. Gaan jy en die regering oor40 jaar die mense onderhou, as die fondse leeggetap is. SASSA gaan teen daardie tyd ook bankrot wees.. Dan sal pensioenarisse maar net moet vrek van die elende soos Transnet se pensioenarisse. En jy Mnr Patel tree in weelde af in Dubai.

Frm

En steeds praat ons net.