TLU SA eis steeds optrede teen BLF-leier

Andile Mngxitama, president van die BLF. Foto: ANA.

TLU SA het ʼn memorandum aan die Nasionale Vervolgingsgesag (NVG) oorhandig oor die vervolging van Andile Mngxitama, die president van Black First Land First (BLF).

“Ons is almal besorg. Almal in Suid-Afrika is,” het Louis Meintjies, president van TLU SA, Dinsdag gesê toe hy die memorandum aan die NVG in Pretoria oorhandig het.

Dié memorandum hou verband met beweerde rassistiese uitlatings wat Mngxitama verlede jaar by ʼn saamtrek in Potchefstroom in Noordwes gemaak het.

Maroela Media het vroeër berig TLU SA het op 11 Desember 2018 ʼn klag van haatspraak teen Mngxitama by die polisie aanhangig gemaak nadat hy die vorige dag tydens ʼn openbare byeenkoms voor ʼn groot gehoor gedreig het om vyf wit mense dood te maak vir elke swart mens wat doodgemaak word. Hy het voortgegaan om vroue en kinders te dreig: “We will kill their children, we will kill their women, we will kill anything we find on our way.”

“Dié soort haatspraak wat gedurig uit sy mond kom, is uiters opswepend en dikwels die vonk in die kruitvat wat lei tot gewelddadige aanvalle en selfs moord op plase,” het Meintjies Dinsdag gesê.

“Ons het tot dusver nog geen terugvoer gekry oor waar die saak staan nie. Ná verskeie oproepe en e-posse het ons op 26 Februarie per hand ʼn brief afgelewer by die NVG se kantoor. Ontvangs daarvan is deur adv. E Matzke namens die adjunkdirekteur van openbare vervolging erken en sy het onderneem om ‘binne twee dae’ terugvoer te gee. Ons het nog steeds niks gehoor nie,” het Meintjies gesê.

Volgens Meintjies was ‘n me Makete van die NVG egter besorg oor hoekom daar nog geen terugvoer gegee is oor die vordering van die saak nie. “Sy het haar dus voorgeneem om dit dringend met belanghebbendes op te volg en ook ʼn petisie met die name van 30 886 mense wat [die vervolging van Mngxitama] ondersteun, erken.

“Ons is bly om te hoor dat die NVG self bekommerd is oor die dreigemente wat mense soos Mngxitama en Julius Malema teenoor wit Suid-Afrikaners maak,” het Meintjies gesê.

“Ons vertrou dat daar nou binnekort uitsluitsel gegee sal word oor of Mngxitama vervolg sal word of nie,” het Meintjies gesê.

TLU SA doen ʼn dringende beroep op adv. Shamila Batohi, die NVG se nasionale direkteur van openbare vervolging, om Mngxitama wel te vervolg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Johnny

Wow as enigiemand dink dat die NVG bekommerd is hoekom die saak nie vorder nie, glo jy seker ook aan die tande muis.

Waarheid

Daar sal niks van kom nie, ons presidensie is bang vir die eff en die blf….

Hans Richardt

Mazibuye party, BLF, EFF…?
Almal vol haat, 35 jaar November 1983 referendum?

pieter

As hy wit was,was die saak al deur die hof aangehoor,en hy in die tronk.

Bekommerd

Stem 200% saam.