Foto bloot ter illustrasie. (Foto: Tom Barrett/Unsplash)
Transnet se opruimingspan is op die toneel waar ʼn trein met uitvoersteenkool Dinsdagoggend tussen die Bloubank- en Nhlazetshe-stasie, naby Ulundi KwaZulu-Natal, ontspoor het. Die trein was onderweg na Richardsbaai.
Die staatsbeheerde onderneming sê die ontsporing van die trein kom te midde van dreigemente teen Transnet en ontwrigting aan sy bedrywighede deur ontevrede groepe wat sakegeleenthede najaag.
Transnet sê wetstoepassingsagentskappe ondersoek die dreigemente.
Die ondersoek na die oorsaak van die trein se ontsporing duur ook voort, maar is in hierdie stadium nog onbekend.
Transnet sê werkers het reeds met ʼn terreinondersoek en voorbereidingswerk op die toneel begin en gespesialiseerde toerusting is op pad daarheen. Swaar reën het opruimingswerk egter oornag belemmer.
Transnet sê die twee geraakte spoorlyne bly intussen gesluit.
“Dit is nog te vroeg om ʼn aanduiding te gee van die heropening van die twee spoorlyne. Dit sal eers bepaal kan word nadat die perseel opgeruim en ʼn skadebepaling gedoen is.”
Net trok sindikate wat kan voordeel trek .
Elke hond kry sy dag, maar brak kry sommer ‘n naweek!
Hierdie gedrag word terrorisme genoem wanneer sulke infrastruktuur aangeval word. In kwazulu natal raak dit n algemene verskynsel met die mafia bou bedryf en nou is dit vervoer…. die onkruid moet uitgeroei word.
Tekenend van ‘n vervalle staat wat reeds die stryd verloor het!
Nou regeer die sindikate al die papsak regering. Die klomp is werklik goed vir niks behalwe om te plunder.
Hulle nie net stryd verloor nie maar alles sabotasie sterk
Kan die SOUSTREIN nie ook ontspoor nie?
Sabotasie? Heel moontlik, en ons kan maar net bespiegel…
Loop daar nog treine???hier by ons is net hul spore oor en ook maar net-net……