Trompop botsing eis 4

Die foto is deur Maroela Media verbloem weens die grafiese aard daarvan. (Foto: Verskaf)

Die R43 tussen Gansbaai en Pearly Beach in die Overberg is steeds gesluit nadat ʼn trompop botsing op dié pad Vrydagoggend die lewe van vier mense geëis het. Twee ander is ernstig in die botsing beseer.

Kenny Africa, Wes-Kaapse verkeershoof, het die voorval aan Maroela Media bevestig.

Volgens Africa het ’n Mazda-bakkie en ’n Izuzu-bakkie tussen 10:30 en 11:00 reg van voor gebots. Nooddienste is na die toneel ontbied terwyl die pad vir motoriste afgesper is.

Die beseerdes is vanoggend per helikopter na hospitale geneem vir dringende mediese behandeling, het Africa gesê.

Dit is op die stadium onduidelik wat presies gebeur het. Die polisie was wel op die toneel om ondersoek in stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
DV

Dronk bestuur, hoespoed en swam bestuur vernuf!!!

Muffin

DV ek dink nie dit is dronk bestuuur nie. Nie 10uur in die oggend nie. Ek dink haastigheid en verby steek op n sperstreep. Ongedulligheid.

'n Local

Hierdie is nie verniet die “poachers highway” nie — en om die verkeer regdeur die nag te beskryf op hierdie pad het ek hopeloos te min woorde oor!

IK

Kanse vat op ons paaie is algemeen. Die ironie is dat dit begin met klein kansies vat en daarmee weggekom word. Die kansies vat ontaard in lekker groot kanse vat en dan op ‘n dag . . . Sterkte aan die onskuldiges en ook aan die paramedici wat blootgestel word aan hierdie tonele asook diegene wat opruimingswerk moet doen net doodeenvoudig a.g.v. die onbesonne optrede van een persoon. Die lewens van vele is hierdeur onherroeplik verander.

Gemaskerde Sopbeen

Weereens…..gaan kyk na die foto…en sien dat daar ‘n soliede wit lyn is. Solank as wat mense nie verstaan waarom daar ‘n soliede sperstreep is, en dit respekteer nie….so lank sal kop-aan-kop botsings gebeur….Ek ry gereeld tussen die Wesrand en Potchefstroom….daar kon net sowel GEEN sperstrepe geverf gewees het nie!!