Twee mans wat daarvan verdink word dat hulle ’n koeriervoertuig beroof het, is doodgeskiet tydens ’n skietgeveg met die polisie in Newlands East in Durban.
Volgens brig. Jay Naicker, polisiewoordvoerder, het die polisie Woensdag vroegoggend op ’n rooftog op die N2-snelweg in die Paddock-nedersetting gereageer waarby ’n koeriervoertuig betrokke was waartydens elektroniese toerusting en ander items gebuit is.
“Ondersoeke het die polisie na Newlands East gelei waar drie verdagtes besig was om die vermoedelik gesteelde goedere af te laai,” sê Naicker.
“Die verdagtes het die polisie se opdragte om hulself oor te gee, geïgnoreer en op die polisie losgebrand, waarna ’n skietgeveg gevolg het.
“Ná die skietgeveg is daar vasgestel dat twee verdagtes noodlottige skietwonde opgedoen het. Die derde verdagte is in hegtenis geneem en twee vuurwapens is op die toneel gevind.”
Die onafhanklike ondersoekdirektoraat (Opod) is na die toneel ontbied vir verdere ondersoek.
Mooi so!, dit klink of Dirty Harry sy lope skoongemaak het.
Hulle moes sommer die derde verdagte ook grasieus van die samelewing verwyder het.
Dankie SAPD. Hoekom skiet jy op die SAPD as jy skuldig is
Stukkie goeie nuus af en toe is heerlik om te lees.
Sou graag hul gesigte wou sien. ‘n ‘Koerier’ van wie ek steeds die telefoonnommer het, het my gistermiddag op die sypaadjie ‘n “splinternuwe” notebook (laptop) en 55″ TV aangebied vir R800.
En ?
Mooi so,
Geen Borgtog….Geen Parool…
Ai dit is darem goed om ook party dae goeie nuus te kry. Wel gedaan die polisie.
Ek het al meer kere gehoor daardie polisie laat nie met hulle mors nie !!
Wel gedaan lyk my polisie bietjie vir n slag goeie werk verrig